បរទេស៖នៅថ្ងៃសុក្រទី១០ខែមេសា នេះដោយទូរទស្សន៍BBCរូបភាពជាច្រើន សន្លឹកបានបែកធ្លាយឲ្យយើងឃើញថាមឈូសជាច្រើនត្រូវបាន បញ្ចុះនៅក្នុងរណ្តៅដ៏ធំមួយនៅក្នុងទីក្រុងញូវយ៉កខណៈចំនួន អ្នកស្លាប់ដោយសារវីរុសកូរ៉ូណាកំពុងមានចំនួន កើនឡើងខ្លាំង។
ក្រុមមន្រ្តីបាននិយាយថាការបញ្ចុះសព កំពុងត្រូវបានធ្វើឡើងនៅតាមទីតាំងដែលត្រូវបានប្រើជាយូរមកហើយសម្រាប់មនុស្សដែលគ្មានសាច់ញាតិឬគ្រួសារ ដែលមិនអាចមានលទ្ធភាពធ្វើពិធីបុណ្យសពជាដើម។ គួរបញ្ជាក់ថាទីក្រុងញូវយ៉កមកដល់ពេលនេះ មានចំនួនអ្នកស្លាប់ ច្រើនជាងប្រទេសណាទាំងអស់លើលោក។
ចំនួនអ្នកស្លាប់នៅក្រុងញូវយ៉កបានកើនដល់៧០០០នាក់ ហើយករណីឆ្លងមានទៅដល់១៥៩៩៣៧នាក់ ខណៈដែលអេស្បាញមានករណីឆ្លង១៥៣០០០នាក់ នៅអ៊ីតាលីមាន១៤៣០០០នាក់និងចិនកាលពីឆ្នាំទៅ មាន៨២០០០នាក់។
ដោយឡែកតួលេខសរុបនៅអាមេរិក មានឆ្លងរហូតទៅដល់៤៦២០០០នាក់ហើយនិងមនុស្សក្បែរ១៦៥០០នាក់បានបាត់បង់ជីវិតក្នុងពេលដែលករណី ឆ្លងទូទាំងពិភពលោក១,៦លាននាក់ និងស្លាប់៩៥០០០នាក់៕
ប្រែសម្រួល៖ស៊ុនលី
