ក្នុងស្ថានភាពមិនច្បាស់លាស់ និងប្រាកដប្រជានៅឡើយ អំពីការសម្រេចចិត្តចុងក្រោយ រវាងក្លឹបនិងកីឡាករទាំងអស់ នៅលីកកំពូលអង់គ្លេសនៅសប្តាហ៍នេះ គេបានមើលឃើញថា វិរៈបុរសម្នាក់របស់ ក្លឹបបិសាចក្រហមMan UnitedគឺលោកGary Neville បានក្លាយទៅជាតួអង្គសំខាន់ម្នាក់ ក្នុងការចចារដ៏រសើបនេះ។
ភាពចម្រូងចម្រាសរវាងក្លឹប និងកីឡាករ បានក្លាយទៅជាបញ្ហា ដោះស្រាយមួយទៀត សម្រាប់សហព័ន្ធបាល់ទាត់អង់គ្លេស និងក៏ដូចជាសមាគមន៍ បាល់ទាត់អង់គ្លេស PFAផងដែរ។ លោកNeville បានចាប់ផ្តើមពាក់ព័ន្ធគ្រប់ការចចារគ្នា រវាងកីឡាករផងក្លឹបផង និងប្រធានសមាគមន៍ បាល់ទាត់អង់គ្លេសផង មួយរយៈចុងក្រោយនេះ។
បុរសដែលជាអ្នកជំនាញ វិភាគបាល់ទាត់ របស់កម្មវិធីទូរទស្សន៍រូបនេះ និងក៏ជាម្ចាស់ក្លឹបនៅលីកទី២ របស់អង់គ្លេសSalford Cityដែរនោះ បានធ្វើឲ្យប្រធានក្លឹបមួយចំនួន មានការភ្ញាក់ផ្អើលផងដែរ ក្រោយបានឃើញសកម្មភាព ដ៏មមាញឹករបស់បុរសវ័យ៤៥ឆ្នាំរូបនេះ ទាំងការជួបគ្នាតាមវិដេអូខលផង៕
ប្រែសម្រួល៖ស៊ុនលី
