បរទេស៖ កងកម្លាំងការពារបដិវត្តន៍ របស់ប្រទេសអ៊ីរ៉ង់ បាននិយាយនៅថ្ងៃពុធនេះថា ខ្លួនទើបបានបាញ់បង្ហោះជោគជ័យ នូវផ្កាយរណបយោធាដំបូងរបស់ប្រទេស ចូលទៅក្នុងគន្លងលំហ ស្របពេលមានភាពតានតឹង ជាមួយសហរដ្ឋអាមេរិក ជុំវិញកម្មវិធីនុយក្លេអ៊ែនិងមីស៊ីល របស់ទីក្រុងតេអេរ៉ង់។
ទូរទស្សន៍រដ្ឋរបស់ប្រទេសអ៊ីរ៉ង់ តាមសេចក្តីរាយការណ៍ បាននិយាយប្រាប់យ៉ាងដូច្នេះថា ផ្កាយរណបយោធាដំបូង របស់ប្រទេសអ៊ីរ៉ង់ ឈ្មោះ ត្រូវបានបាញ់នៅព្រឹកនេះ ចេញពីវាលខ្សាច់កណ្ដាលរបស់អ៊ីរ៉ង់ ហើយការបាញ់បង្ហោះ ទទួលបានជោគជ័យ និងផ្កាយរណប បានចូលទៅដល់គន្លងគោចរ”។
គួរបញ្ជាក់ថា រដ្ឋបាលប្រធានាធិបតីសហរដ្ឋអាមេរិក លោក ដូណាល់ ត្រាំ បានដាក់ទណ្ឌកម្មជាថ្មីម្តងទៀត លើប្រទេសអ៊ីរ៉ង់ ក្រោយទីក្រុងវ៉ាស៊ីនតោន ដកខ្លួនចេញពី កិច្ចព្រមព្រៀងអន្តរជាតិឆ្នាំ២០១៥ ដែលគេបង្កើតឡើង ដើម្បីទប់ស្កាត់កម្មវិធីនុយក្លេអ៊ែ របស់ប្រទេសអ៊ីរ៉ង់៕ ប្រែសម្រួល៖ប៉ាង កុង
