អាមេរិក៖កម្មវិធី Facebook Messenger នឹងប្រើប្រាស់ប្រព័ន្ធ AI ដើម្បីរកមើលសញ្ញានៃការបោកប្រាស់ ហើយបញ្ជូនការជូនដំណឹង លេចឡើងដល់អ្នកប្រើប្រាស់ ដែលមើលទៅដូចជាកំពុងធ្វើអី្វមួយសម្រាប់ ពួកគេនេះបើយោងតាម ការចេញផ្សាយពីគេហទំព័រឌៀលីម៉ែល។
ការរៀនសូត្ររបស់ម៉ាស៊ីន នឹងរកឃើញសញ្ញាណ នៃសកម្មភាពមិនត្រឹមត្រូវ និងការជូនដំណឹងនៅក្នុងកម្មវិធីដែល លេចឡើងនៅផ្នែកខាងលើ នៃការសន្ទនា។ ទាំងនេះនឹងជំរុញឲ្យអ្នកប្រើប្រាស់ពិចារណា ពីភាពគួរឲ្យទុកចិត្តរបស់មនុស្ស ដែលខិតជិតរបស់ពួកគេ ហើយផ្តល់ព័ត៌មានងាយៗ អំពីរបៀបសម្គាល់ និងចៀសវាងការបោកប្រាស់។
ក្រុមហ៊ុន Facebook អះអាងថា ការជូនដំណឹងនៅលើកម្មវិធីត្រូវ បានបង្កើតដោយស្វ័យប្រវត្តិ ត្រូវបានដាក់ឲ្យដំណើរការយឺតៗ សម្រាប់អ្នកប្រើប្រាស់ប្រព័ន្ធ ប្រតិបត្តិការ Android Messenger ចាប់ពីខែមីនា។ ឥលូវនេះវាត្រូវបានគេកំណត់ ឲ្យចែកចាយដល់អ្នកប្រើប្រាស់ប្រព័ន្ធ ប្រតិបត្តិការ iOS ទូទាំងពិភពលោកនៅសប្តាហ៍ក្រោយ។
ឧបករណ៍នេះត្រូវបានរចនា ឡើងដើម្បីចាប់យកការប៉ុនប៉ង បោកប្រាស់បែបទំនើប ប្រើកម្មវិធីហើយនឹងដំណើរការ នៅក្នុងការអ៊ិនគ្រីបរបស់សារផ្ញើរសារដោយ អនុញ្ញាតឲ្យវាដំណើរការដោយគ្មាន ក្រុមហ៊ុនអាចមើលឃើញការ សន្ទនាឯកជន។ Facebook បន្តថា វានឹងដំណើរការសូម្បីតែនៅពេល កម្មវិធីផ្ញើសារធ្វើឲ្យការផ្លាស់ប្តូរទៅ ជាការអ៊ិនគ្រីបចុងក្រោយទៅចុងបញ្ចប់ដូចត្រូវបាន ប្រើដោយក្រុមហ៊ុន WhatsApp ៕ ដោយ៖លី ភីលីព
