វ៉ាស៊ីនតោន ៖ ឯកអគ្គរដ្ឋទូតរបស់ទីក្រុងសេអ៊ូល ប្រចាំនៅទីក្រុងវ៉ាស៊ីនតោន បានលើកឡើងថាប្រធានាធិបតី សហរដ្ឋអាមេរិកលោក ដូណាល់ ត្រាំ បានសន្យាថា នឹងបន្តធ្វើការ ដើម្បីសន្តិភាពនៅឧបទ្វីបកូរ៉េ ខណៈដែលលោកបានរំលឹកខួបលើកទី ៧០ នៃការចាប់ផ្តើម នៃសង្គ្រាមកូរ៉េ នៅថ្ងៃព្រហស្បតិ៍ម្សិលមិញនេះ។
ឯកអគ្គរដ្ឋទូតលោក Lee Soo-hyuck បានចូលរួមនៅក្នុងពិធីរំលឹក អតីតយុទ្ធជនសង្គ្រាមកូរ៉េនៅទីក្រុងវ៉ាស៊ីនតោន កាលពីដើមថ្ងៃដែលលោក ត្រាំ និងលោកស្រីទីមួយ Melania Trump បានដាក់កម្រងផ្កាគោរពដល់អ្នក ដែលបានស្លាប់នៅក្នុងជម្លោះរយៈពេល ៣ ឆ្នាំ។
ក្រោយមកលោក Lee បានប្រាប់អ្នកសារព័ត៌មានថា“ លោកប្រធានាធិបតី ត្រាំ បានបង្ហាញចំណាប់អារម្មណ៍ និងការព្រួយបារម្ភចំពោះការវិវឌ្ឍន៍បច្ចុប្បន្ននៅឧបទ្វីបកូរ៉េ ហើយបានសួរខ្ញុំអំពីស្ថានភាពនេះ”៕
ដោយ ឈូក បូរ៉ា
