អាមេរិក៖ អ្នករៀបចំការប្រកួត បានប្រកាសថា អតីតម្ចាស់ជើងឯកកីឡាការិនី វាយកូនបាល់ Kim Clijsters របស់បែលហ្ស៊ិក និងកីឡាករវាយកូនបាល់ Andy Murray របស់ចក្រភពអង់គ្លេស បានទទួលកាតចូលរួម ការប្រកួតកីឡា វាយកូនបាល់ពាន់រង្វាន់ US Open ឆ្នាំ ២០២០ នេះបើយោងតាមការចេញផ្សាយ ពីគេហទំព័រឆៃណាឌៀលី។
កីឡាការិនី Clijsters ជាអតីតឯកត្តជននារីលេខ១ ពិភពលោកនឹងសម្លឹងមើល ការបង្ហាញសមត្ថភាព របស់នាងម្តងទៀត ពីព្រឹត្តិការណ៍ US Open ឆ្នាំ ២០០៩ នៅពេលនាង បានឈ្នះពានរង្វាន់ឯកត្តជននារី ក្នុងនាមជាអ្នកជំនួសតំណែង បន្ទាប់ពីនាងបានចូលនិវត្តន៍ដំបូង ក្នុងអំឡុងពេលនាង បានក្លាយជាម្តាយ។
ម្ចាស់ជើងឯក US Open ៣ សម័យកាល (២០០៥, ២០០៩-១០) បានចេញពីការចូលនិវត្តន៍លើកទី ២ របស់នាងកាលពីដើមឆ្នាំ ២០២០ ហើយនឹងត្រូវប្រកួត US Open ជាលើកដំបូងចាប់តាំងពី នាងបានចាកចេញពីការប្រកួត បន្ទាប់ពីព្រឹត្តិការណ៍ US Open ឆ្នាំ ២០១២ ។
បច្ចុប្បន្ននាងមិនមានវណ្ណៈទេ ដោយនាងទើបតែបានប្រកួតចំនួន ២ ប្រកួតកាលពីដើមរដូវកាលនេះ ក្នុងព្រឹត្តិការណ៍Dubai Tennis Championships និងការប្រកួត ដណ្តើមពានរង្វាន់ Monterrey Open មុនពេលដំណើរកម្សាន្ត ត្រូវបានបិទដោយសារCOVID-19 ៕ ដោយ៖លី ភីលីព
