បរទេស៖ ក្រោយពេលបានដឹងខ្លួនហើយថា នឹងមិនអាចនាំយកកីឡាករ ខ្សែប្រយុទ្ធអង់គ្លេស Jadon Sancho ពីក្លឹប Dortmund បានទេនោះមកដល់ថ្ងៃនេះ ក្លឹបកំពុងតែបានព្យាយាម បង្វែរគោលដៅថ្មី ជាមួយនឹងកីឡាករ ខ្សែប្រយុទ្ធផ្សេងជំនួសវិញ។
ក្នុងនោះ The Mirror បានចេញផ្សាយថា លោក Ole កំពុងតែមមាញឹកយ៉ាងខ្លាំង ក្នុងការចរចានាំយកកីឡាករ ខ្សែប្រយុទ្ធដូចជា Amad Traore របស់ក្លឹប
Atalanta ដោយការពិភាក្សាគ្នា នៅបន្តនៅឡើយ ខណៈដែលកិច្ចពិភាក្សា ក្នុងការខ្ចីជើងកីឡាករ ខ្សែប្រយុទ្ធមួយទៀត គឺបានត្រឹមបរាជ័យប៉ុណ្ណោះ។
បិសាចក្រហម Man United បានព្យាយាមសុំចរចា ជាមួយនឹងខ្សែប្រយុទ្ធស្លាប របស់ក្លឹប Fiorentina គឺកីឡាករ Federico Chiesa ប៉ុន្តែ
បើតាមការអះអាង របស់ប្រភពដដែល បានបញ្ជាក់ថា គឺត្រូវបានត្រឹមការបដិសេធ ពីក្លឹបអ៊ីតាលីនេះប៉ុណ្ណោះ៕
ប្រែសម្រួល៖ស៊ុនលី
