ភាគច្រើននៃពួកយើងសុទ្ធតែស្គាល់និងឧស្សាហ៍ទទួលទានផ្លែស្វាយ ប៉ុន្តែជាញឹកញយតែងចិតសំបកចេញ។ ថាតើអ្នកដឹងទេថាសំបកស្វាយអាចផ្ដល់អត្ថប្រយោជន៍ល្អៗចំពោះសុខភាព? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរញ៊ាំស្វាយទាំងសំបក ៖
១. វាជួយគ្រប់គ្រងកម្រិតនៃជាតិស្ករនិងកូឡេស្តេរ៉ូល
សំបកស្វាយមានផ្ទុកសមាសធាតុសំខាន់ៗមួយចំនួនរួមបញ្ចូលទាំងវីតាមីន C និងជាតិសសៃដែលអាចជួយគ្រប់គ្រងកម្រិតនៃជាតិស្ករនិងកូឡេស្តេរ៉ូលក្នុងឈាមបានយ៉ាងប្រសើរ។
២. កាត់បន្ថយហានិភ័យនៃជំងឺមហារីក
សំបកស្វាយក៏ជាប្រភពដ៏ប្រសើរនៃសារធាតុប្រឆាំងអុកស៊ីតកម្មដែលជួយទប់ស្កាត់ហានិភ័យនៃជំងឺមហារីកគួរឱ្យកត់សម្គាល់។
៣. មានផ្ទុកលក្ខណៈសម្បត្តិប្រឆាំងការរលាក
ក្រៅពីជំងឺមហារីកហើយនោះការទទួលទានផ្លែស្វាយទាំងសំបកក៏អាចកាត់បន្ថយហានិភ័យនៃជំងឺរលាកសន្លាក់ និងជំងឺទឹកនោមផ្អែមបានផងដែរតាមរយៈលក្ខណៈសម្បត្តិប្រឆាំងការរលាកក្នុងរាងកាយ។
៤. ល្អសម្រាប់ភ្នែក
មួយក្នុងចំណោមសារធាតុចិញ្ចឹមជាច្រើនផ្សេងទៀតដែលសំបកផ្លែស្វាយមានផ្ទុក គឺវីតាមីន A។ វីតាមីននេះជាសារធាតុប្រឆាំងអុកស៊ីតកម្មដែលការពាររ៉េទីនភ្នែក។
៥. ទប់ស្កាត់បញ្ហាទល់លាមក
នេះក៏ព្រោះតែសំបកផ្លែស្វាយមានផ្ទុកសម្បូរទៅដោយជាតិសសៃដែលជួយសម្រួលចលនាពោះវៀនទប់ស្កាត់អាការៈទល់លាមក៕ប្រភព៖health
