មកដល់ពេលនេះយើងបានដឹងហើយថា កីឡាករខ្សែការពារវ័យក្មេង Eric Garcia ដែលមានវ័យ២០ឆ្នាំនៅរដូវកាលនេះត្រូវបានគេដឹងថា គឺអាចបង្ហាញខ្លួនលេងបានតែ៩ប្រកួតប៉ុណ្ណោះហើយ ក៏កំពុងមានព័ត៌មានក្នុងការផ្ទេរចាកចេញពីអង់គ្លេស ទៅចូលរួមជាមួយនឹងក្លឹបយក្សអេស្បាញ Barcelona ផងដែរ។
គ្រូបង្វឹករបស់ក្លឹបមេឃខៀវ Man City លោក Pep Guardiola បានធ្វើការលើកឡើងថាមិនអាចដាក់ឲ្យកីឡាករវ័យក្មេងរូបនេះ លេងបានញឹកញាប់គឺជារឿងដ៏លំបាកសម្រេចចិត្តបំផុតសម្រាប គាត់នៅរដូវកាលនេះដែលក្នុងនោះមានតែ៣ប្រកួតប៉ុណ្ណោះដែល លេងនៅក្នុងលីគកំពូលអង់គ្លេសក្នុងចំណោម៩ប្រកួត។
ថ្លែងអំពីកីឡាករវ័យ២០ឆ្នាំរូបនេះលោក Pep បាននិយាយថាគាត់ហាក់បីដូចជាកូនប្រុសម្នាក់ ហើយគឺជាកីឡាករដ៏សំខាន់បំផុតកាលពីរដូវកាលមុន ជាពិសេសក្រោយការផ្អាកលីគ ក្នុងអំឡុងពេលកូវីដ។
គាត់បានក្លាយទៅជាកីឡាករដែលល្អបំផុត ហើយមិនដែលបង្កកំហុសណាមួយឡើយហើយថែមទាំងបានជួយក្រុមឡើងទៅដល់វគ្គ១ភាគ៤ ចុងក្រោយទៀតផងនៃពានរង្វាន់ Champion League៕
ប្រែសម្រួល៖ស៊ុនលី
https://www.goal.com/en/news/not-play-garcia-breaks-my-heart-guardiola-admits/llxs1r337qdb19rjc9mtdsbkt
