Salisbury ៖ក្រុមអ្នកវិទ្យាសាស្ត្រកំពុងធ្វើការ ស្រាវជ្រាវដើម្បីព្យាករណ៍ថា នរណាខ្លះអាចនឹងធ្លាក់ខ្លួនឈឺធ្ងន់ធ្ងរពីជំងឺឆ្លងCOVID-19 តាមរយៈការវិភាគភាពស៊ាំរបស់អ្នកជំងឺទំាងនេះយោងតាមការ ចេញផ្សាយពីគេហទំព័រស្គាយញ៉ូវ។
ភ័ស្តុតាងបង្ហាញថា អ្នកជំងឺខ្លះធ្លាក់ខ្លួនឈឺធ្ងន់ធ្ងរដោយសារតែមេរោគCOVID-19 បន្ទាប់ពីមានការប្រតិកម្មរលាកស្បែកយ៉ាងខ្លាំងពីប្រព័ន្ធភាពស៊ាំរបស់ពួកគេ ដែលជាផ្នែកខ្លះត្រូវបានគេស្គាល់ថា ជាព្យុះស៊ីតូទីនអាចបណ្តាលឲ្យមានការបរាជ័យនៃសរីរាង្គ និងស្លាប់។
សមាគមអ្នកសារព័ត៌មានត្រូវបានគេផ្តល់សិទ្ធិចូលក្នុងមន្ទីរពិសោធន៍វិទ្យាសាស្ត្រការពារជាតិ និងបច្ចេកវិទ្យា (Dstl)នៅ Porton Down ក្បែរSalisbury គឺជាកន្លែងសម្រាប់ការសិក្សាសាកល្បងកំពុងពិនិត្យមើលគំរូឈាមចៃដន្យពីអ្នកជំងឺនៅមន្ទីរពេទ្យចំនួន ៣០ នាក់។ បន្ទាប់មកអ្នកវិទ្យាសាស្ត្រនឹងប្រៀបធៀបរបៀបដែលប្រព័ន្ធភាពស៊ាំរបស់ពួកគេមានប្រតិកម្មចំពោះជំងឺនេះ។
Dstl កំពុងធ្វើការជាមួយក្រុមប្រឹក្សាសុខភាពសាកលវិទ្យាល័យ Hywel Dda និងសាកលវិទ្យាល័យ Swansea លើការសិក្សាដែលកំពុងពិនិត្យមើលការធ្វើឲ្យកោសិកាសដែលជាផ្នែកមួយនៃប្រព័ន្ធភាពស៊ាំរបស់រាងកាយ និងប្រូតេអ៊ីនមានវត្តមាននៅលើផ្ទៃរបស់វា។ ការស្រាវជ្រាវកំពុងប្រើបច្ចេកទេសដូចជាលំហូរស៊ីតូទីមដែលរកឃើញ និងវាស់លក្ខណៈរាងកាយ និងគីមីនៃកោសិកា៕ដោយ៖លី ភីលីព
