Cristiano Ronaldo, Gareth Bale និង Karim Benzema អាចនឹងជុំជើងគ្នាវិញ នៅរដូវកាលក្រោយក្នុងក្រុម Real Madrid ។ នេះបើតាមការរំពឹងទុកជាច្រើនរបស់សារព័ត៌មាន នៅប្រទេសអេស្ប៉ាញ។
Ronaldo កំពុងប្រឈមមុខអនាគត មិនច្បាស់លាស់នៅ Juventus ក្រោយពួកគេធ្លាក់ចេញពី Champions League វគ្គ១៦ក្រុមចុងក្រោយ ។ បច្ចុប្បន្នពួកគេកំពុងគម្លាត១០ពិន្ទុ ពីក្រុមកំពូលតារាង Inter Milan នៅ Serie A។
សេចក្ដីរាយការណ៍ទាំង នៅអ៊ីតាលីនិងអេស្ប៉ាញថ្មីៗចុះថា កញ្ចប់ទឹកប្រាក់២៥លានផោន អាចយក Ronaldo ចេញពី Juventus បាន ។ សម្រាប់ Zidane ក៏បាននិយាយដែរថា វានៅតែអាចទៅរួច ដែលវីរបុរសក្លឹបត្រឡប់មកវិញ ។
ចំពោះ Bale កំពុងស្ថិតជាកីឡាករខ្ចីជើងរបស់ Spurs ប៉ុន្តែកាលពីដើមសប្ដាហ៍ គេបាននិយាយថា នឹងត្រឡប់ទៅកាន់ Real វិញ ពេលចប់រដូវកាលនេះ។ ប្រសិនបើ Bale នឹង Ronaldo ត្រឡប់មកកាន់ទីក្រុង Madrid ជាមួយគ្នាវិញមែន មានន័យថា ពួកគេអាចចាប់ដៃប្រយុទ្ធ ៣ខាងលើជាមួយ Benzema ម្ដងទៀត ដែលគ្រប់គ្នាហៅថា BBC ៕ sabay
