អ្នកវិភាគលោក Jamie Redknapp បាននិយាយថា ការប្រជែងតំណែង Top4 កំពុងបើកចំហរទូលាយមែនទែន បន្ទាប់ពី Chelsea ចាញ់ Arsenal កាលពីយប់មិញ។
Chelsea ដែលកំពុងត្រូវការពិន្ទុជាចាំបាច់នោះ បានប្រកួតចាញ់ Arsenal ១-០ ក្នុងផ្ទះខ្លួនឯង។ Chelsea បច្ចុប្បន្នស្ថិតនៅចំណាត់ ថ្នាក់លេខ៤ កំពុងប្រទាញប្រទង់ពិន្ទុគ្នា ជាមួយក្រុម៤ផ្សេងទៀត មានដូចជា West Ham, Liverpool និង Leicester City។
យប់នេះក្រុមលោក Jurgen Klopp នឹងត្រូវតទល់ជាមួយ Manchester United។ ហើយលោក Redknapp យល់ឃើញថា Liverpool ជាក្រុមមានឱកាសយកបានកន្លែងមួយក្នុង Top4 ប្រសិនបើពួកគេឈ្នះនៅ Old Trafford។
Liverpool ត្បិតតែពួកគេស្ថិតនៅលេខ៦មែន ប៉ុន្តែពួកគេទើបតែលេង បាន៣៤សប្ដាហ៍ប៉ុណ្ណោះ ខណៈ Leicester និង Chelsea ដែលនៅលេខ៣&៤ លេងដល់សប្ដាហ៍ទី៣៦បាត់ទៅហើយ។ ដោយសារពិន្ទុមិនទាន់ដាច់គ្នា ចំណាត់ថ្នាក់អាចផ្លាស់ប្ដូរមិនទៀត ចាប់ពីក្រុមស្ថិតនៅលេខ៣ ដល់លេខ៦៕ sabay
