ក្លឹបហង្សក្រហម Liverpool ត្រូវបានគេដឹង រួចមកហើយថា មានបំណងចង់បានកីឡាករ ឈុតក្រោម២១ឆ្នាំម្នាក់របស់ជម្រើសជាតិបារាំង យ៉ាងខ្លាំងនិងក៏ជាគោលដៅទី១ របស់ក្លឹបផងដែរ សម្រាប់តំណែងខ្សែ ការពារកណ្តាល។
រដូវកាលកន្លងទៅក្លឹប បានជួបបញ្ហាវិបត្តិកីឡាករខ្សែការពារ ទើបធ្វើឲ្យខ្លួនរបូតតំណែងជើង ឯងទៅឲ្យ Man City ប៉ុន្តែជឿជាក់ថាគ្រូបង្វឹករបស់ក្លឹបលោក Jurgen Klopp នឹងចាប់ផ្តើមធ្វើការពង្រឹងក្លឹបឡើងវិញ តាមរយៈកីឡាករខ្សែការពារ Ibrahima Konate
ដែលបច្ចុប្បន្នកំពុងលេងឲ្យ RB Leipzig ។
the Goal ជឿជាក់ថា ក្លឹបហង្សក្រហមបានត្រៀមរួច ទៅហើយក្នុងការចំណាយលុយ ដែលក្លឹប RB Leipzig ចង់បានគឺប្រមាណជា៤០លានផោនហើយសង្ឃឹមថា នឹងអាចនាំយកកីឡាករ Konate វ័យ២២ឆ្នាំរូបនេះជាកីឡាករផ្ទេរដំបូង គេរបស់ក្លឹបនៅរដូវក្តៅ ខាងមុខនេះ។
ប្រែសម្រួល៖ស៊ុនលី
