អាមេរិក ៖ វិទ្យាសាស្ត្រអាមេរិក បាននិយាយថា បុរសរាប់ពាន់នាក់ ដែលមានជំងឺមហារីកក្រពេញ ប្រូស្តាតត្រូវបានគេរំពឹងថា នឹងទទួលបានអត្ថប្រយោជន៍ ពីការព្យាបាល ដោយវិទ្យុសកម្ម រ៉ាឌីកាល់ ដែលបង្ហាញពីការពន្យារអាយុ នេះបើយោងតាមការចេញផ្សាយ ពីគេហទំព័រឌៀលីម៉ែល ។
វាប្រើម៉ូលេគុលវិទ្យុសកម្មដើរតួជា មីស៊ីលនាំផ្លូវដើម្បីស្វែងរក និងសម្លាប់កោសិកាមហារីក ។ លទ្ធផល នៃការសាកល្បងដ៏សំខាន់ លើកដំបូងនៃការព្យាបាលដោយ Lu-PSMA-617 បានរកឃើញថា វាពន្យារអាយុរបស់បុរសមានជំងឺមហារីក ជឿនលឿនជាមធ្យម ៤ ខែ ហើយការរកឃើញនេះ ត្រូវបានបង្ហាញនៅក្នុងសន្និសិទ សង្គមផ្នែកជំងឺមហារីកវិទ្យាសាស្ត្រអាមេរិក ។
អ្នកសិក្សាស្រាវជ្រាវសាស្រ្តាចារ្យ Johann de Bono នៃ Royal Marsden NHS Foundation Trust បាននិយាយ ថា ការព្យាបាលនេះធ្វើដូចជាកាំជ្រួច មីស៊ីលដែលដឹកនាំដោយស្វែង រកកោសិកាមហារីក ។ ការព្យាបាលដោយកាំរស្មីផ្តោត សំខាន់ទៅលើប្រូតេអ៊ីននៅលើផ្ទៃ នៃកោសិកាមហារីកហៅថា PSMA ដោយបំផ្ទុះវាជាមួយនឹងអ៊ីសូតូមវិទ្យុសកម្មមួយហៅថា Lutetium-177 ។
ការសាកល្បងពាក់ព័ន្ធ នឹងអ្នកជំងឺ ៨៣១ នាក់និងដឹកនាំដោយក្រុមអន្តរជាតិមួយរួម មានវិទ្យាស្ថានស្រាវជ្រាវជំងឺមហារីក នៅទីក្រុងឡុង។ បុរសទទួលការព្យាបាល ដោយ Lu-PSMA-617 ត្រូវបានគេរកឃើញថា មានអត្រាស្លាប់តិចជាងអ្នកដែលទទួលការ ថែទាំធម្មតាចំនួន ៣៨ ភាគរយក្នុងរយៈពេលតាមដានរយៈពេល ២១ ខែ ។
ពួកគេក៏មានសុខភាពល្អបានយូរ ជាងមុនដោយរស់នៅបានជា មធ្យម ៨,៧ ខែមុនពេលជំងឺមហារីក របស់ពួកគេចុះខ្សោយបើប្រៀបធៀប ទៅនឹងបុរសដែលមានការថែទាំធម្មតាត្រឹមតែ ៣,៤ ខែប៉ុណ្ណោះ ៕ដោយ៖លី ភីលីព
