ទីក្រុង Melilla រួមជាមួយទីក្រុង Ceuta របស់អេស្ប៉ាញ គឺជាចំណុចឆ្លងកាត់ដ៏ពេញនិយម សម្រាប់ជនចំណាកស្រុកអាហ្វ្រិក នៅសាហារ៉ាដែលកំពុងស្វែងរកសិទ្ធិជ្រកកោន នៅសហភាពអឺរ៉ុប ។
កាលពីខែមុន វិបត្ដិនៃការធ្វើចំណាកស្រុក ដែលមិនធ្លាប់មានពីមុនមកបានកើតឡើង នៅតាមព្រំដែនម៉ារ៉ុក និងអេស្ប៉ាញ នៅពេលដែលជនចំណាកស្រុកខុសច្បាប់ប្រមាណ ១០០០០នាក់បានឆ្លងចូលទៅក្នុងទីក្រុង Ceuta ។ ភាគច្រើន នៃពួកគេត្រូវបានបញ្ជូនត្រឡប់ទៅវិញ ខណៈដែលជនចំណាកស្រុក ១០០០នាក់ផ្សេងទៀត ភាគច្រើនជាអនីតិជន នៅតែស្ថិតក្នុងបរិវេណទីក្រុងនៅឡើយ។
ប៉ុន្មានថ្ងៃមុន មន្ត្រីចំនួន ៩នាក់នៃឆ្មាំស៊ីវិល របស់ប្រទេសអេស្ប៉ាញបានរងរបួស ខណៈដែលព្យាយាមរារាំងក្រុមជ នចំណាកស្រុកខុសច្បាប់ចំនួនជាង ១៥០នាក់ពីការចូលទៅក្នុងទឹកដី របស់អេស្ប៉ាញ ដែលនៅជុំវិញទីក្រុង Melilla នៅភាគពាយព្យនៃទ្វីបអាហ្វ្រិក។
ជនចំណាកស្រុកទាំងនោះ ត្រូវបានគេរាយការណ៍ថា ប្រដាប់ដោយដំបង និងបានគប់ដុំថ្មទៅលើមន្ត្រីទាំងនោះ ដើម្បីបង្ខំពួកគេឱ្យចេញ ពីផ្លូវចូលទៅក្នុងទឹកដីទីក្រុង Melilla ដែលបណ្តាលឱ្យឆ្មាំស៊ីវិលអេស្ប៉ាញចំនួន ៩នាក់បានរងរបួសស្រាល៕
