អាមេរិក ៖ អ្នកវិទ្យាសាស្ត្របានដឹង ជាយូរមកហើយថា មនុស្សសម័យបុរាណ Neanderthals និង Denisovans មានផ្ទុកនូវ DNA ខ្លះ ប៉ុន្តែការស្រាវជ្រាវថ្មី បានបង្ហាញថា មានតែផ្នែកតូច មួយ នៃហ្សែនរបស់មនុស្សម្នាក់ ដែលត្រូវបានចែករម្លែក ជាមួយមនុស្សដទៃទៀត នេះបើយោងតាមការចេញផ្សាយ ពីគេហទំព័រឌៀលីម៉ែល ។
យោងតាមការស្រាវជ្រាវថ្មីថា ស្ថិតចន្លោះពី ១,៥ ទៅ ៧ ភាគរយនៃហ្សែនរបស់មនុស្សសម័យ ទំនើប គឺជាមនុស្សប្លែកពីគេ ហើយមិនបានចែករម្លែក ជាមួយជីដូនជីតាពីបុរាណ របស់យើងទេ ដោយដាក់អ្នកវិទ្យាសាស្ត្រ ឲ្យបោះជំរំនៅក្នុងជំរុំថា សត្វទាំង ៣ ប្រភេទនេះមិនខុសគ្នាប៉ុន្មានទេ ។
ជីវវិទូផ្នែកជីវវិទ្យា និងជាអ្នកស្រាវជ្រាវថ្មី នៃសាកលវិទ្យាល័យកាលីហ្វ័រញ៉ា បានប្រាប់សារព័ត៌មាន Associated Press ថា នោះជាភាគរយ តូចណាស់។
ការរកឃើញប្រភេទនេះ គឺជាមូលហេតុដែលអ្នកវិទ្យាសាស្ត្រងាកចេញ ពីការគិតថា យើងមនុស្សខុសគ្នា ឆ្ងាយពី Neanderthals ។
ការស្រាវជ្រាវ បានមើលទៅលើ DNA ពីមនុស្សចំនួន ២៧៩ នាក់នៅជុំវិញពិភពលោក និងបានទាញយក ហ្វូស៊ីលពីហ្សែន Neanderthal ២ប្រភេទ ក៏ដូចជាហ្សែន Denisovan មានការគ្របដណ្តប់ខ្ពស់ មានអាយុកាលប្រហែល ៤០,០០០ ឬ ៥០,០០០ ឆ្នាំមុន ។
អ្នកវិទ្យាសាស្ត្រដឹងរួចហើយថា មនុស្សសម័យទំនើបចែករម្លែក DNA ខ្លះជាមួយ Neanderthals ប៉ុន្តែមនុស្សខុសគ្នា ចែករម្លែកផ្នែកផ្សេងៗនៃហ្សែន។ គោលដៅមួយ នៃការស្រាវជ្រាវថ្មី ដើម្បីកំណត់ហ្សែន ដែលផ្តាច់មុខ ចំពោះមនុស្សសម័យទំនើប ។
លោក John Hawks ជាអ្នកជំនាញខាងជំងឺសរសៃប្រសាទ នៅសាកលវិទ្យាល័យ Wisconsin-Madison មិនបានចូលរួម នៅក្នុងការសិក្សានោះទេថា វាជាបញ្ហាស្ថិតិដ៏លំបាកហើយ អ្នកស្រាវជ្រាវបានបង្កើត ឧបករណ៍ដ៏មានតម្លៃដោយគិត ពីទិន្នន័យដែលបាត់នៅក្នុង ហ្សែនបុរាណ៕ ដោយ៖លី ភីលីព
