អនុប្រធានក្លឹប លោក Pavel Nedved នៅសប្តាហ៍នេះបានចេញ មកធ្វើការអះអាងថា កីឡាករខ្សែប្រយុទ្ធជើងចាស់ Cristiano Ronaldo នឹងមិនចាកចេញ ទៅទីណានោះទេ ហើយនឹងបន្តរស់នៅ ជាមួយនឹងក្លឹបដដែល នៅរដូវកាលថ្មីនេះ។
គួរឲ្យដឹងដែរថា មួយរយៈចុងក្រោយនេះ កីឡាករ CR7 តែងតែទទួលបាននូវព័ត៌មាន ចចាមអារ៉ាមអំពីការចាកចេញ ពីក្លឹបបន្ទាប់ពីបានទទួលនូវភាព បរាជ័យ បន្តបន្ទាប់កាល ពីរដូវកាលកន្លងមកទាំងបាល់ក្នុងលីគ និងបាល់នៅពានរង្វាន់ អ៊ឺរ៉ុបផងនោះ។
ក្នុងនោះក្លឹបយក្សបារាំង PSG ព្រមទាំង ក្លឹបចាស់បិសាចក្រហម Man UTD ផងសុទ្ធតែបានព័ត៌មាន ចេញផ្សាយថា នឹងអាចចំណាយលុយទិញយកកីឡាករ រូបនេះ ទៅចូលរួមក្លឹបរបស់ពួកគេ ខណៈដែលកុងត្រា របស់កីឡាករជា មួយនឹង Juventus គឺនៅសល់តែ១ឆ្នាំទៀតប៉ុណ្ណោះ ៕
ប្រែសម្រួល៖ស៊ុនលី
