តាំងពីដើមមក អ្នកដែលឈ្នះមេដាយអូឡាំពិក តែងតែចូលចិត្តខាំមេដាយដែលខ្លួនឈ្នះ អំឡុងពេលថតរូបជានិច្ច ដែលនេះបានក្លាយ ជាទម្លាប់ទៅហើយ។
តែសម្រាប់នៅឆ្នាំនេះវិញ ក្រុមអ្នករៀបចំអូឡាំពិក នៅជប៉ុនបានប្រាប់ ទៅអត្ដពលិកថា បើអាចកុំខាំមេដាយដែលខ្លួនឈ្នះអី ។ ការហាមប្រាមនេះក៏ដោយសារតែមេដាយនៅឆ្នាំនេះ ជប៉ុនបានធ្វើឡើង ដោយយក ឧបករណ៍កែច្នៃ បានដូចជាគ្រឿងអេឡិចត្រូនិកចាស់ៗ ទូរសព្ទដៃឈប់ប្រើជាដើម មកកិនលាយគ្នា ដើម្បីបង្កើតជាមេដាយប៉ុណ្ណោះ ។ ដូច្នេះហើយ បើសិនជាពេលឈ្នះ មិនបាច់ខាំក៏បាន។
រំលឹកថា ជប៉ុន បានប្រើប្រាស់គ្រឿង អេឡិចត្រូនិកចាស់ៗ រាប់លានគ្រឿង ដែលទទួលបានពីប្រជាជន មកឱ្យដើម្បីច្នៃចេញ ជាមេដាយ សម្រាប់កីឡាអូឡាំពិកនេះ ។ ខណៈដែលក្នុងនាមជាម្ចាស់ផ្ទះ ពេលនេះជប៉ុន ក៏កំពុងប្រជែងខ្លាំងជាមួយអាមេរិក និងចិន ដើម្បីយកមេដាយមាសផងដែរ ៕
