ប៉ូឡូញ៖ចិញ្ចៀនអាពាហ៍ពិពាហ៍ គ្រាប់កាំភ្លើង និងអដ្ឋិធាតុសម្រាប់ បូជាសពស្ថិតក្នុងចំណោម របស់របររាប់រយដែលរកឃើញដោយក្រុមបុរាណវិទូបង្ហាញកាន់តែច្បាស់ពី ភស្តុតាងនៃឧក្រិដ្ឋកម្មសង្គ្រាមណាស៊ីដ៏ល្បីល្បាញ នៅជ្រលងមរណៈ របស់ប៉ូឡូញនេះបើយោងតាមការចេញផ្សាយពី គេហទំព័រឌៀលីម៉ែល។
ស្ថិតក្នុងខែដំបូងនៃសង្គ្រាមលោកលើកទី ២ ទាហានណាស៊ីបានប្រហារជីវិតជនស៊ីវិលប៉ូឡូញ ៣០-៣៥.០០០ នាក់នៅខេត្ត Pomeranian ភ្លាមៗបន្ទាប់ពីកាន់កាប់ប្រទេស។ ទីតាំងនៃការសម្លាប់ទាំងនេះ ទទួលបានឈ្មោះក្នុងស្រុកថា “ ជ្រលងភ្នំមរណៈ” ហើយមុនពេលបញ្ចប់សង្គ្រាមឆ្នាំ ១៩៤៥ ណាស៊ីសបានត្រឡប់មកវិញបានធ្វើឲ្យ មានការភ្ញាក់ផ្អើល និងដុតជនរងគ្រោះ ដែលលាក់ឧក្រិដ្ឋកម្មរបស់ពួកគេ។
ទោះបីជាមានកិច្ចខិតខំប្រឹងប្រែងដើម្បីលាក់បាំង អំពើឃោរឃៅក៏ដោយ ក៏ភស្តុតាងជាច្រើន នៃការសម្លាប់រង្គាលត្រូវបានរកឃើញដោយអ្នកជំនាញមកពីបណ្ឌិត្យសភាវិទ្យាសាស្ត្រប៉ូឡូញនៅWarsaw ហើយដើម្បីប្រមូលភស្តុតាង ដែលបានកើតឡើង ក្រុមអ្នកជំនាញបានពិនិត្យមើលបណ្ណសារធ្វើការជាមួយអ្នកស្រុក និងបានធ្វើការស៊ើបអង្កេត បុរាណវិទ្យានៅតំបន់នោះ។
ក្រុមបុរាណវិទូដែលធ្វើការនៅជ្រលងភ្នំមរណៈក្នុងចំណោមទីតាំង យ៉ាងតិច៤០០កន្លែងជាទីកតាំងការសម្លាប់រង្គាល ទាំងនេះបានកើតឡើងដោយបានរកឃើញផ្នូរដ៏ធំមួយ និងវត្ថុបុរាណរាប់រយដូចជាវត្ថុរបស់ជនរងគ្រោះ រួមទាំងចិញ្ចៀនអាពាហ៍ពិពាហ៍ ព្រមទាំងគ្រាប់កាំភ្លើងផងដែរ៕
