ន័រវេស ៖ ក្រុមអ្នកវិទ្យាសាស្ត្រ បាននិយាយថា ខ្លាឃ្មុំតំបន់ប៉ូល កំពុងតែបាត់បង់ ការបង្កាត់ពូជ ដោយសារការប្រែប្រួល អាកាសធាតុ កំពុង ធ្វើឲ្យទីជម្រក របស់ពួកគេរលាយ យ៉ាងឆាប់រហ័ស បង្កការភ័យខ្លាច ដល់ពួកគេគ្មានកូនចៅបន្ត នាពេលអនាគតនេះ បើយោងតាមការចេញផ្សាយ ពីគេហទំព័រឌៀលីម៉ែល ។
ក្រុមអ្នកវិទ្យាសាស្ត្រ ន័រវេសមួយ ក្រុមបានរកឃើញថា ចំនួនខ្លាឃ្មុំប៉ូលនៅលើប្រជុំកោះន័រ វេស នៃប្រទេសន័រវេស បានឃើញការបាត់បង់ ១០ ភាគរយ ស្ថិតនៅក្នុងភាពចម្រុះហ្សែន របស់ពួកគេពីឆ្នាំ ១៩៩៥ ដល់ឆ្នាំ ២០១៦ ដោយសារទឹកកកសមុទ្រ រលាយដែលធ្វើឲ្យ ពួកវាដាច់ពីគ្នា ។
យោងតាមក្រុមអ្នកស្រាវជ្រាវថា ការកើនឡើងនៃភាពឯកោ នឹងនាំឲ្យមានការបង្កាត់ពូជកាន់ តែច្រើននាពេលអនាគត និងបង្កឲ្យបាត់បង់បង្កាត់ ពូជត្រូវគេហៅថា“ ជំងឺធ្លាក់ទឹកចិត្តបង្កកំណើត” ដែលជាការកាត់បន្ថយការរស់រានមានជីវិត និងការមានកូន របស់កូនចៅបុគ្គលដែលពាក់ព័ន្ធ។
ទំហំ និងអត្រា នៃការបាត់បង់ភាពចម្រុះហ្សែន និងលំហូរហ្សែន ដែលយើង សង្កេតឃើញ គួរឲ្យព្រួយបារម្ភ ដោយពិចារណាថា ខ្លាឃ្មុំតំបន់ប៉ូល បានបង្ហាញពីភាពខុសប្លែកគ្នា នៃហ្សែនបន្តិចបន្តួច ទោះបីជាក្នុងកម្រិត សកលក៏ដោយ ។
ប៉ុន្តែបច្ចុប្បន្ននេះកំពុងប្រឈមមុខ នឹងសម្ពាធជ្រើសរើស អាកាសធាតុកាន់ តែខ្លាំងឡើងៗ ហើយអ្នកស្រាវជ្រាវ បានចែករម្លែកសម្រាប់ ការសិក្សាដែលបានចេញផ្សាយ នៅក្នុងទស្សនាវដ្តី Proceedings of the Royal Society B ។
ក្រុមស្រាវជ្រាវបានរកឃើញ ឆ្នេរសមុទ្រភាគខាងលិច នៃ Spitsbergen បានជួបប្រទះនូវការបាត់បង់ទឹកកក សមុទ្រដ៏ធំបំផុតនៅតំបន់សមុទ្រ Barents ហើយថែមទាំងបង្ហាញពីអត្រាខ្ពស់បំផុត នៃការផ្លាស់ប្តូរភាព ចម្រុះហ្សែន ។ ការបាត់បង់ទឹកកក នៅសមុទ្របង្ហាញថា តំបន់នេះនឹងជួបប្រទះ តែការរលាយកាន់តែច្រើន នាពេលអនាគត ដូច្នេះវានៅដាច់ដោយឡែកពីគ្នា ៕ដោយ៖លី ភីលីព
