អាមេរិក ៖ សហស្ថាបនិកក្រុមហ៊ុន Apple លោក Steve Wozniak បានប្រកាសថា លោកកំពុងចាប់ផ្តើម ក្រុមហ៊ុនអវកាសមួយ មានឈ្មោះថា Privateer ដែលធ្វើឲ្យលោកក្លាយជាមនុស្សថ្មី បំផុត ហើយប្រហែល ជាមិនអាចជាអ្នកចំណូលថ្មី ចំពោះការប្រកួតប្រជែង អវកាសរបស់មហាសេដ្ឋីឡើយ នេះបើយោងតាមការចេញផ្សាយ ពីគេហទំព័រឌៀលីម៉ែល ។
ការបណ្តាក់ទុននេះ ត្រូវបានបង្ហាញនៅលើបណ្តាញសង្គម Twitter ត្រូវបានគេចេញផ្សាយ នៅម៉ោង ១០ យប់ថ្ងៃអាទិត្យថា៖“ ក្រុមហ៊ុនអវកាសឯកជនមួយ កំពុងចាប់ផ្តើម ដំណើរ ការមិន ដូចក្រុមហ៊ុនដទៃទៀតទេ” ។ លោក Wozniak ក៏បានចែករម្លែកវីដេអូមួយ ជាមួយព័ត៌មានផ្តោតលើមនុស្ស ដែលធ្វើការ ជាមួយគ្នា ជាជាងក្រុមហ៊ុនមួយ ដែលជំរុញឲ្យមានការដោះស្រាយបញ្ហា អវកាសរួមជាមួយគំនិតថា ក្រុមហ៊ុននេះនឹងមានបរិស្ថានល្អ ។
វីដេអូមួយនាទីមិនផ្តល់ព័ត៌មាន លម្អិតអំពីការបណ្តាក់ទុននោះទេ គ្រាន់តែបញ្ចប់ដោយ ‘មេឃលែងជាដែនកំណត់’ ។ ទោះយ៉ាងណាចំណង ជើងវីដេអូនៅលើ YouTube និយាយថា ព័ត៌មានបន្ថែម នឹងត្រូវបានបង្ហាញ នៅឯសន្និសីទ Maui អុបទិកនិងបច្ចេកវិទ្យាឃ្លាំមើល អវកាសកម្រិតខ្ពស់ (AMOS) ដែលនឹងប្រព្រឹត្តទៅចាប់ពីថ្ងៃទី ១៤ ខែកញ្ញាដល់ថ្ងៃទី ១៧ ។
លោក Wozniak ជាអ្នកវិទ្យាសាស្ត្រកុំព្យូទ័រ ដែលគេស្គាល់ថា ជាស្ថាបនិកម្នាក់របស់ Apple និងជាអ្នកបង្កើតកុំព្យូទ័រ Apple II ។ លោកបានជួបជាមួយ Steve Jobs ជាសហស្ថាបនិកក្រុមហ៊ុន Apple កំឡុងពេល នៅមហាវិទ្យាល័យ ហើយអ្នកទាំង២បានសហការគ្នាបង្កើតក្រុមហ៊ុន Apple Computer នៅថ្ងៃទី ១ ខែមេសាឆ្នាំ ១៩៧៦ ឥឡូវនេះ Apple ដឹកនាំដោយ នាយកប្រតិបត្តិលោក Tim Cook ៕ដោយ៖លី ភីលីព
