កូរ៉េខាងត្បូង៖បើយោងតាមចេញផ្សាយផ្លូវការរបស់គេហទំព័រ Allkpopបានឲ្យដឹងថា តារាចម្រៀងនាង Ailee បានត្រឡប់មកឆាកកម្មវិធីតន្ត្រីជាលើកដំបូង ក្រោយពីនាងបាត់មុខពីសិល្បៈអស់រយៈពេល៥ឆ្នាំមកហើយ ក្រោយពីនាងជាតារាចម្រៀងមួយរូបដែលមានភាពទាក់ទាញបំផុត។
សម្រាប់វគ្គនៃកម្មវិធី ‘M Countdown’ របស់ Mnet ដែលចាក់ផ្សាយនៅថ្ងៃទី២៨ ខែតុលា ឆ្នាំ២០២១ នាង Ailee បានសម្តែង “Don’t Teach Me” ពីអាល់ប៊ុមថ្មីរបស់នាង ‘AMY’ ។ តារាចម្រៀងទោលរូបនេះ បានធ្វើឲ្យអ្នកគាំទ្រ និងទស្សនិកជនចាប់អារម្មណ៍យ៉ាងខ្លាំង ជាមួយនឹងទេពកោសល្យច្រៀងដ៏មិនគួរឲ្យជឿ និងការសម្តែងដ៏មានឥទ្ធិពលដែលមិនផ្លាស់ប្តូរ។
នាងបានទាក់ទាញអ្នកទស្សនាជាមួយនឹងសម្រស់របស់នាង ព្រមទាំងស្លៀកពាក់ឈុតពណ៌ស្វាយ ខណៈនាងច្រៀងបទថ្មីប្រកបដោយទំនុកចិត្ត។ អ្នកគាំទ្រ និងអ្នកលេងអ៊ីនធើណេតជាច្រើនបានរំជួលចិត្តចំពោះការសម្ដែង និងការបង្ហាញខ្លួនរបស់នាងក្នុងកម្មវិធីតន្ត្រីជាលើកដំបូងក្នុងរយៈពេល ៥ ឆ្នាំ។
អ្នកនិយមលេងអ៊ីនធើណេតបានបញ្ចេញមតិថា ខ្ញុំរំជួលចិត្តណាស់ ហើយទីបំផុតក្នុងរយៈពេល៥ឆ្នាំម្ចាស់ក្សត្រីបានត្រឡប់មកវិញជាមួយការសម្តែងរបស់នាងគឺអស្ចារ្យ និងការច្រៀងរបស់នាងស្រស់ស្រាយដូចរាល់ដង៕ដោយ៖លី ភីលីព
