កូរ៉េខាងត្បូង ៖ បើយោងតាមចេញផ្សាយផ្លូវការ របស់គេហទំព័រ Allkpop បានប្រាប់ឲ្យដឹងថា កាកាលពីដើមខែនេះ អតីតសមាជិកក្រុម តារាចម្រៀងកូរ៉េ Wonder Girls អ្នកនាង Lim បានប្រកាសផ្ទាល់ថា នាងមានផ្ទៃពោះកូនដំបូង ជាផ្លូវការហើយ ។
អ្នកនាង Lim បានបង្ហោះវីដេអូ នៅលើ YouTube របស់នាង ‘Lim’s diary’ ហើយក្នុងវីដេអូនេះអ្នកនាង Lim និងស្វាមី Shin Min Chul បានបង្ហាញខ្លួន ក្នុងស៊ុមកាមេរ៉ា ដោយមើល ទៅមានភាពភ័យខ្លាច ប៉ុន្តែនាង Lim បានសុំប្តីលាតត្រដាង ព័ត៌មានដ៏ធំ ហើយ Shin Min Chul ប្រកាសធំថា Lim របស់យើងមានកូនហើយ !
អ្នកនាង Lim បានបង្ហាញនូវភាពសប្បាយរីករាយ ដោយបានចែករម្លែកព័ត៌មានធំមួយ ទៅកាន់អ្នកជាវ របស់នាងជាមុន ហើយបានបន្តទៀតថា ខ្ញុំកំពុងស្ថិតក្នុងដំណាក់កាលដំបូង នៃការមានផ្ទៃពោះ ចំណែកមនុស្សជាច្រើនមិនទាន់ដឹងអំពីការមានផ្ទៃពោះ របស់ខ្ញុំនៅឡើយទេ។ ដំណឹងនេះ ខ្ញុំមានអារម្មណ៍ច្របូកច្របល់ ។
ចាប់តាំងពីពេលនោះមក Lim មានតអ្នកគាំទ្រច្រើន របស់នាងចូលមើល តាមរយៈបណ្តាញសង្គម ហើយថែមទាំងរក្សា កំណត់ហេតុកូនទៀតផង។ កាលពីថ្ងៃទី២៨ ខែតុលា អ្នកនាង Lim បានបង្ហោះវីដេអូ ចែករម្លែកថា កូនខ្ញុំលូតលាស់លឿនណាស់។ មុននេះគូស្នេហ៍ មួយគូនេះបានបង្ហើបថា ពួកគេមានគម្រោងបង្កើត កូននៅអំឡុងខែមីនា ឆ្នាំ២០២២ ហើយគូស្នេហ៍មួយគូនេះ រំពឹងថានឹងមានកូនដំបូង របស់ពួកគេនៅខែមីនា ឆ្នាំ២០២២ ៕ ដោយ៖លី ភីលីព
