ក្រុមជម្រើសជាតិអាល្លឺម៉ង់ បានយកឈ្នះលើក្រុមលីចតេនស្ទីន ក្នុងលទ្ធផលដល់ទៅ ៩-០ សម្រាប់ការប្រកួតជម្រុះ World Cup នៅតំបន់អឺរ៉ុប។
អាល្លឺម៉ង់លេងនៅទឹកដីខ្លួនឯង ពិតជាធ្វើឱ្យអ្នកគាំទ្រសប្បាយចិត្ត ក្នុងការទស្សនាមែនទែន ដោយពួកគេរកគ្រាប់បាល់បានជាបន្ដបន្ទាប់រហូតដល់ ៩គ្រាប់ឯណោះ។ ស្របពេលនេះក៏ជាកំណត់ត្រាល្អមួយ សម្រាប់លោក Hansi Flick ចូលមកដឹកនាំអាល្លឺម៉ង់ផងដែរ។ ដោយលោកទើបដឹក បាន៦ប្រកួត និងឈ្នះទាំង៦ប្រកួតតែម្ដង។
ដោយឡែកការចាញ់ច្រើនគ្រាប់ របស់ក្រុមលីចតេនស្ទីន ត្រូវបានគេមើលឃើញថា ដោយសារក្រុមនេះសល់គ្នាត្រឹម ១០នាក់ប៉ុណ្ណោះ តាំងពីនាទី៩មកម្ល៉េះ។ ដូច្នេះហើយទើបបានជាធ្វើឱ្យអាល្លឺម៉ង់ មានឱកាសគ្របពេញ៩០នាទី និងរកបានដល់៩គ្រាប់៕ Source: Sabay
