ប្រកួតនៅក្នុងគ្រុប អង់គ្លេសយប់មិញនេះ បានកក់កៅអីស្វ័យប្រវត្តិ ទៅលេងក្នុងការប្រកួតពានរង្វាន់ពិភពលោក នៅប្រទេសកាតាជាផ្លូវការហើយ ក្រោយយកឈ្នះ លើក្រុមជម្រើសជាតិ San Marino ក្នុងលទ្ធផល រហូតទៅដល់១០ ទល់នឹង០។
អង់គ្លេសមាន២៦ពិន្ទុ យកឈ្នះដាច់ ទៅលើក្រុមប៉ូឡូញ ដែលស្ថិតនៅចំណាត់ថ្នាក់លេខ២ ក្នុងគ្រុបមាន២០ពិន្ទុ ហើយទំរង់លេងរបស់អង់គ្លេស ក្នុងវគ្គជម្រុះនេះ បានធ្វើឲ្យមានការភ្ញាក់ផ្អើលយ៉ាងខ្លាំង ចំពោះអ្នកគាំទ្រ ដោយសារតែក្រុមអាចធ្វើបានល្អ ស្ទើរតែ១០០ភាគរយ គ្រប់ការប្រកួត។
១០គ្រាប់ដែលស៊ុតបញ្ចូលទី ទៅលើ San Marino មានដូចជាកីឡាករ Maguire នៅនាទីទី៦កីឡាករ Fabbri ជាបាល់ចូលទីខ្លួនឯងនាទីទី១៥ ដោយ Kane នៅនាទីទី២៧ ជាបាល់១១ម៉ែត្រ ដោយ Kane ម្តងទៀត នៅនាទីទី៣១នាទីទី៣៩ និងនាទី៤២ដោយ Rowe នៅនាទីទី៥៨ដោយ Mings នៅនាទីទី៦៩ ដោយ Abraham នៅនាទីទី៧៨ និងដោយ Saka នៅនាទីទី៧៩៕ ប្រែសម្រួល៖ស៊ុនលី
