សេដ្ឋកិច្ច​ និង អចលនទ្រព្យ

និយតករជប៉ុន អំពាវនាវ ឲ្យផាកពិន័យ ដល់ក្រុមហ៊ុន Nissan ក្នុងទឹកប្រាក់ ២២ លានដុល្លារ

តូក្យូ៖និយតករមូលបត្រជប៉ុន កំពុងផ្តល់អនុសាសន៍ថា ក្រុមហ៊ុនផលិតរថយន្ត Nissan នឹងត្រូវពិន័យ ជាប្រាក់ចំនួន ២,៤ ពាន់លានយ៉េន (២២ លានដុល្លារ) ចំពោះសំណងក្រោមការរាយការណ៍ ពីអតីតប្រធានក្រុមហ៊ុន គឺលោក Carlos Ghosn យោងតាមការចេញផ្សាយ ពីគេហទំព័រជប៉ុនធូដេ។

គណៈកម្មការឃ្លាំមើល គណៈកម្ម ការមូលប័ត្រ និងផ្សារភាគហ៊ុន បាននិយាយថា ខ្លួនបានផ្តល់អនុសាសន៍ ដល់ទីភ្នាក់ងារ សេវាកម្មហិរញ្ញវត្ថុរបស់រដ្ឋាភិបាល លើឯកសារបង្ហាញព័ត៌មានចាប់ពីឆ្នាំ ២០១៤ ដល់ឆ្នាំ ២០១៧ ។ ចំណែកក្រុមហ៊ុន Nissan Motor Co បាននិយាយថាខ្លួនបាន ទទួលយកការពិន័យនេះហើយ បានកែសម្រួល ឯកសារមូលបត្រ របស់ខ្លួននៅក្នុងខែឧសភា ទោះបីជាសេចក្តីសម្រេចចុងក្រោយ របស់វានឹងកើតឡើង បន្ទាប់ពីទទួលបានការជូនដំណឹង ជាផ្លូវការក៏ដោយ។

ក្រុមហ៊ុនបាននិយាយ នៅក្នុងសេចក្តីថ្លែងការណ៍មួយថា ក្រុមហ៊ុនយកចិត្តទុកដាក់ យ៉ាងខ្លាំងចំពោះ អនុសាសន៍នេះ។ ក្រុមហ៊ុន Nissan ត្រូវបានចោទប្រកាន់មុននេះ ជាមួយនឹងការផ្តល់សំណង របស់ Ghosn ។

ក្រុមហ៊ុនតម្រូវឲ្យរាយការណ៍ អំពីប្រាក់ដែលពួកគេបង់ ឲ្យប្រតិបត្តិក្នុងរបាយការណ៍ប្រចាំឆ្នាំ ទៅផ្សារមូលបត្រ។ ការចោទប្រកាន់ពាក់ព័ន្ធ នឹងប្រាក់ដែល Ghosn អាចទទួលបាននាពេល អនាគតបន្ទាប់ពីចូលនិវត្តន៍។

Ghosn ត្រូវបានចាប់ខ្លួន នៅខែវិច្ឆិកាឆ្នាំ ២០១៨ ហើយនៅក្រៅឃុំ។ លោកត្រូវបានគេចោទប្រកាន់ ពីបទមិនបាន រាយការណ៍អំពីសំណង របស់គាត់និងការប្រព្រឹត្តខុស ហិរញ្ញវត្ថុផ្សេងទៀត។ លោកនិយាយថា លោកគ្មានទោស ពៃរ៍ហើយបាននិយាយថា សំណងនាពេលអនាគតមិន ដែលបានព្រមព្រៀង ឬបង់ប្រាក់ទេ៕

Most Popular

To Top