ឌូបៃ៖យោងតាមការចេញផ្សាយ ពីគេហទំព័រជប៉ុនធូដេបានប្រាប់ឲ្យដឹងថា លោកប្រហែលជាមិននឹកស្មាន ដល់នោះទេ ប៉ុន្តែតារាប៉ុបសញ្ជាតិកាណាដា Justin Bieber បានរកឃើញថា ខ្លួនលោកគឺជាចំណុចស្នូល នៃជម្លោះមនោគមវិជ្ជារវាងអារ៉ាប៊ីសាអូឌីត និងសកម្មជនសិទ្ធិមនុស្សដែលអាចកើតមានឡើងជាច្រើនឆ្នាំ។
ការសម្រេចចិត្តរបស់តារាចម្រៀង “Love Yourself” ដើម្បីសម្តែងក្នុងកម្មវិធីសម្ពោធរថយន្ត Formula One Grand Prix របស់អារ៉ាប៊ីសាអូឌីតនៅសប្តាហ៍នេះ ខណៈរកកម្រៃបានយ៉ាងពិតប្រាកដនោះ មិនបានមកដោយគ្មានតម្លៃនោះទេ ព្រោះអ្នកធ្វើយុទ្ធនាការជំរុញឲ្យលោកលុបចោលក្នុងការតវ៉ាចំពោះកំណត់ត្រាសិទ្ធិមនុស្សរបស់ទីក្រុងរីយ៉ាដ។
លោក Bieber វ័យ ២៧ ឆ្នាំគ្រោងនឹងបង្ហាញខ្លួននៅចំពោះមុខទស្សនិកជនរាប់ពាន់នាក់នៅកម្មវិធីក្រោយការប្រណាំងកាលពីថ្ងៃអាទិត្យនៅទីក្រុង Jeddah ដែលក៏មានការចូលរួមពីកំពូលតារាឌីជេបារាំង David Guetta និងតារាចម្រៀងអាមេរិក Jason Derulo ផងដែរ។ ការរិះគន់នៃការប្រគុំតន្ត្រីធ្វើឡើង បន្ទាប់ពីមានប្រតិកម្មស្រដៀងគ្នាទៅនឹងព្រឹត្តិការណ៍ដ៏ល្បីផ្សេងទៀតនៅប្រទេសអារ៉ាប៊ីសាអូឌីតកំពុងតែព្យាយាមបន្ទន់រូបភាពអភិរក្សរបស់ខ្លួន និងធ្វើពិពិធកម្មសេដ្ឋកិច្ចដែលពឹងផ្អែកលើប្រេងរបស់ខ្លួន។
នាំមុខការអំពាវនាវឲ្យលោក Bieber លុបចោលគឺ Hatice Cengiz គូដណ្តឹងរបស់អ្នកកាសែតអារ៉ាប៊ីសាអូឌីត Jamal Khashoggi ដែលឃាតកម្មឆ្នាំ២០១៨នៅខាងក្នុងស្ថានកុងស៊ុលអារ៉ាប៊ីសាអូឌីតនៅទីក្រុងអ៊ីស្តង់ប៊ុលបានជំរុញឲ្យមានកំហឹងអន្តរជាតិ។ នាង Cengiz បានប្រាប់ Bieber ក្នុងកាសែត Washington Post ថា នេះគឺជាឱកាសពិសេសមួយក្នុងការផ្ញើសារដ៏មានឥទ្ធិពលមួយទៅកាន់ពិភពលោកថា ឈ្មោះ និងទេពកោសល្យរបស់អ្នកនឹងមិនត្រូវបានប្រើដើម្បីស្ដារកេរ្តិ៍ឈ្មោះនៃរបបដែលសម្លាប់អ្នករិះគន់របស់ខ្លួននោះទេ។
យុទ្ធនាការនេះទទួលបានការចាប់អារម្មណ៍ ដោយមាន hashtag #WTFJustin ផ្សព្វផ្សាយនៅលើ Twitter និងយន្តហោះដែលមានបដាសរសេរថា “ហេតុអ្វីបានជា Bieber ច្រៀងសម្រាប់ឃាតករអារ៉ាប៊ីសាអូឌីត?” ការហោះហើរពីលើពានរង្វាន់ American Music Awards កាលពីខែមុននៅទីក្រុង Los Angeles ៕
