សេអ៊ូល៖ នេះបើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា ព្រះនាង Kim Yuna និងតារាចម្រៀងកូរ៉េខាងត្បូងលោក Ko Woo Rim សមាជិកក្រុម Forestella នឹងរៀបការជាមួយគ្នានៅខែតុលាខាងមុខនេះ។
បន្ទាប់ពីរបាយការណ៍ ប្រព័ន្ធផ្សព្វផ្សាយផ្តាច់មុខ ទាក់ទងនឹងទំនាក់ទំនងរបស់ពួកគេ ការប្រកាសរបស់ Ko Woo Rim បានចេញសេចក្តីថ្លែងការណ៍ផ្លូវការមួយដោយប្រកាសអំពីអាពាហ៍ពិពាហ៍របស់ Ko Woo Rim ជាមួយ Kim Yuna នៅចុងឆ្នាំនេះ។
Beat Interactive យើងកំពុងប្រកាសដំណឹងល្អអំពីសិល្បកររបស់យើងលោក Ko Woo Rim នឹងរៀបការជាមួយ ‘Figure skating Queen’ Kim Yuna ក្នុងខែតុលានេះ។ ពិធីមង្គលការនឹងធ្វើឡើងជាលក្ខណៈឯកជន ជាមួយមិត្តភក្តិជិតស្និទ្ធ និងក្រុមគ្រួសារ ដូច្នេះសូមយល់ថា យើងមិនអាចជូនដំណឹងអំពីលបរិច្ឆេទ និងទីកន្លែងពិតប្រាកដនៃពិធីមង្គលការបានទេ។
លោក Ko Woo Rim និងព្រះនាង Kim Yuna បានជួបគ្នាដំបូងកាលឆ្នាំ ២០១៨ ក្នុងកម្មវិធី ‘All That Skate’ ហើយពួកគេរៀបការបន្ទាប់ពី ទំនាក់ទំនងបាន៣ ឆ្នាំ។ លោក Ko Woo Rim បានបញ្ចប់ការសិក្សាពីមហាវិទ្យាល័យតន្ត្រីនៃសាកលវិទ្យាល័យជាតិសេអ៊ូល និងជាសមាជិកក្រុម Forestella ជាក្រុមដែលទទួលបានជ័យលាភីនៃកម្មវិធី ‘Phantom Singer 2’ របស់ JTBC ។
លោកនឹងបន្តសកម្មភាពជាតារាចម្រៀងប៉ុប និងបុរាណ ក្រោយរៀបការ។ សូមផ្ញើការគាំទ្រច្រើនសម្រាប់សកម្មភាពរបស់លោក ខណៈលោកបន្តអាជីព ក្នុងគ្រួសារដែលមានស្ថិរភាព៕ ដោយ៖លី ភីលីព
