កូរ៉េ៖កាលពីថ្ងៃទី៧ ខែមីនា ក្រុមប៉ូលិសស៊ើបអង្កេតបានឆ្មក់ចូលលំនៅដ្ឋាន Hannam-Dong របស់តារាសម្តែង Yoo Ah In អាយុ ៣៧ឆ្នាំដែលជាប់សង្ស័យថា រូបលោកជាប្រើប្រាស់គ្រឿងញៀនខុសច្បាប់ទំាងនេះបើយោងតាមចេញផ្សាយផ្លូវការរបស់គេហទំព័រកម្សាន្តកូរ៉េខាងត្បូ ។
អង្គភាពស៊ើបអង្កេតឧក្រិដ្ឋកម្មគ្រឿងញៀនរបស់ទីភ្នាក់ងារប៉ូលីសក្រុងសេអ៊ូលបានបញ្ជូនអ្នកស៊ើបអង្កេតទៅកាន់លំនៅដ្ឋានរបស់ Yoo Ah In ដែលជាផ្នែកនៃការស៊ើបអង្កេតរបស់ពួកគេលើការប្រើប្រាស់គ្រឿងញៀនខុសច្បាប់។
ប៉ូលិសដែលធ្លាប់បានទទួលសំណើស៊ើបអង្កេតពីក្រសួងរដ្ឋបាលសុវត្ថិភាពចំណីអាហារ និងឱសថ។ លោកYoo Ah In ត្រូវបានឃាត់ខ្លួន ហើយត្រូវបានឆែកឆេរ និងរឹបអូសនៅអាកាសយានដ្ឋាន Incehon នៅពេលលោកមកដល់ទីក្រុង Los Angeles កាលពីថ្ងៃទី ៥ ខែកុម្ភៈ។
ភ្លាមៗនោះ ការស្នើសុំត្រូវបានធ្វើឡើងសម្រាប់ការពិនិត្យលម្អិតអំពីទឹកនោម និងសក់របស់លោកពីវិទ្យាស្ថានជាតិស៊ើបអង្កេតវិទ្យាសាស្ត្រ (NFS)។ បន្ទាប់មក សេវាកោសល្យវិច្ច័យជាតិបានបង្ហាញថា តារាសម្តែងរូបនេះបានធ្វើតេស្តវិជ្ជមានចំពោះកញ្ឆា និងប្រូផូហ្វូល ហើយការធ្វើតេស្តិ៍សក់ក៏បានរកឃើញកូកាអ៊ីន និង ketamine ផងដែរ។
យោងតាមព័ត៌មានក្រុមស៊ើបអង្កេតទទួលបានពីក្រសួងសុវត្ថិភាពចំណីអាហារ និងឱសថថា លោក Yoo Ah In បានគ្រប់គ្រង Propofol ច្រើនជាង ១០០ ដងក្នុងចំនួនសរុបចាប់ពីឆ្នាំ ២០២១។ ការស៊ើបអង្កេតបានបង្ហាញថា Propofol ត្រូវបានគ្រប់គ្រងក្នុងបរិមាណលើសពី ៤៤០០ ml ក្នុង ៧៣ ដងកាលឆ្នាំ២០២១ និងប្រហែល ៣០ ដងកាលឆ្នាំ ២០២២។
បន្ថែមពីលើនេះ ប៉ូលីសថ្មីៗនេះបានធ្វើការស្រាវជ្រាវ និងរឹបអូសមន្ទីរពេទ្យ និងគ្លីនិកសង្ស័យថា បានចេញវេជ្ជបញ្ជាម្តងហើយម្តងទៀតដល់លោក Yoo Ah In នៅពេលការវិភាគលើវត្ថុរឹបអូសត្រូវបានបញ្ចប់ ប៉ូលីសនឹងកោះហៅលោក Yoo Ah In ជាជនសង្ស័យមកធ្វើការស៊ើបអង្កេតថា តើលោកធ្លាប់ប្រើប្រាស់ថ្នាំញៀន និងរបៀបយកវាមក៕
