កូរ៉េខាងត្បូង៖យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា តារាកំប្លែងកូរ៉េខាងត្បូង នាង Lee Se Young បានចែករម្លែកដោយស្មោះត្រង់អំពីបទពិសោធន៍របស់នាងក្នុងការវះកាត់កែសម្ផស្ស រួមទាំងការវះកាត់ដើមទ្រូង បានទាក់ទាញចំណាប់អារម្មណ៍ជាមួយនឹងរូបរាងដ៏ទាក់ទាញរបស់នាង។
នាថ្ងៃទី ១០ ខែកក្កដា តារាកំប្លែង Lee Se Young បានបង្ហោះរូបថតមួយនៅលើគណនីរបស់នាងជាមួយនឹងចំណងជើងថា “ចំណង់ចំណូលចិត្តរបស់ខ្ញុំគឺការស្លៀកពាក់តួអង្គ Cosplay។ ប្រសិនបើអ្នកទាយត្រូវថាខ្ញុំកំពុងស្លៀកពាក់តួអង្គ Cosplay ជានរណា ខ្ញុំនឹងផ្តល់ឲ្យអ្នកនូវប័ណ្ណមាន់មួយ”។
រូបភាពបានចេញផ្សាយនេះបានបង្ហាញថា នាង Lee Se Young ស្លៀករ៉ូបពណ៌ក្រហម និងអាវធំ។ នាងបានតុបតែងខ្លួនយ៉ាងល្អឥតខ្ចោះជាមួយនឹងរូបរាងដ៏ទាក់ទាញរបស់នាង។ រូបរាងដ៏ទាក់ទាញដែលបង្ហាញពីភ្លៅរបស់នាង រួមផ្សំជាមួយនឹងស្បែកជើងកែងខ្ពស់ពណ៌ក្រហម បានទាក់ទាញចំណាប់អារម្មណ៍ ហើយចង្កេះស្ដើង និងបន្ទាត់ត្រគាករលោងរបស់នាង បានទាក់ទាញការកោតសរសើរ។ ទោះបីជាមិនបានបង្ហាញពីឥរិយាបថពិសេសណាមួយក៏ដោយ ព្រោះវាជារូបថត Selfie កញ្ចក់ អារម្មណ៍ជឿជាក់របស់នាងបានលេចធ្លោ។
ពីមុននាង Lee Se Young បានសារភាពថា នាងបានវះកាត់ពង្រីកដើមទ្រូង ដោយបង្កើនទំហំពី A cup ទៅ E cup។ នាងក៏បានទាក់ទាញចំណាប់អារម្មណ៍ ដោយបានបង្ហាញថា នាងបានចំណាយប្រាក់ចំនួន ១០០ លានវ៉ុន (ប្រហែល ៦៦,៧០០ ដុល្លារអាមេរិក) លើការវះកាត់កែសម្ផស្ស រួមទាំងត្របកភ្នែកពីរជាន់ ដើមទ្រូង និងច្រមុះ៕
