កូរ៉េខាងត្បូង ៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា តារាសមម្តែងជនជាតិកូរ៉េខាងត្បូងនាង Lee Se បានធ្វើការទាក់ទាញចំណាប់ អារម្មណ៍ម្តងទៀតពីអ្នកគាំទ្រដោយការបង្ហាញឈុតសិចស៊ី Cosplay ដិតដល់ដែលរំលឹកដល់ Nami ពីគំនូរជីវចល One Piece។
នាថ្ងៃទី ២ ខែសីហា រូបភាពមួយត្រូវបានបង្ហោះនៅលើបណ្តាញសង្គម Instagram ជាមួយនឹងចំណងជើងថា “តើខ្ញុំជានរណាលើកនេះ? ភស្តុតាងនៃអំណោយរបស់អ្នកឈ្នះ Cosplay ពីលើកមុន។ លើកនេះ អំណោយនឹងធំជាងបន្តិច។ សូមទុកមតិយោបល់សប្បាយៗជាច្រើន” ដោយនាង Lee Se Young។
រូបភាពដែលបានចេញផ្សាយនាង Lee Se Young ថតរូប Selfie កញ្ចក់ដោយពាក់សក់ពាក់បូបពណ៌ទឹកក្រូច និងអាវប៊ីគីនីឆ្នូត។ នាងបង្កើតរចនាប័ទ្មពិសេសរបស់តួអង្គឡើងវិញ ដោយទាក់ទាញចំណាប់អារម្មណ៍ជាមួយនឹងចង្កេះស្ដើង និងរូបរាងកោងរបស់នាង។ អ្នកគាំទ្របានឆ្លើយតបដោយស្មានថានាងកំពុង Cosplay ជា Nami ពី One Piece។
ថ្មីៗនេះនាង Lee Se Young ទទួលបានការចាប់អារម្មណ៍ជាបន្តបន្ទាប់ដោយការបង្ហាញខ្លឹមសារ Cosplay ។ ពីមុននាងបានចែករម្លែករូបថតដែលបង្កើតតួអង្គផ្សេងៗឡើងវិញ បានបង្កឲ្យមានការជជែកវែកញែកតាមអ៊ីនធើណេតលើកម្រិតនៃការបង្ហាញ។ អ្នកខ្លះសរសើរវាថាជា “សេរីភាពនៃការបញ្ចេញមតិ” និង “ភាពត្រឹមត្រូវខ្ពស់” ខណៈអ្នកផ្សេងទៀតមានអារម្មណ៍ថា ការបង្ហាញបែបនេះហួសហេតុពេក។
នេះបានទាក់ទាញចំណាប់អារម្មណ៍កាន់តែច្រើនបន្ទាប់ពីការសារភាពថ្មីៗរបស់នាងអំពីការវះកាត់កែសម្ផស្ស។ តាមរយៈ YouTube នាង Lee Se Young បានបង្ហាញថា នាងបានវិនិយោគប្រហែល ១០០ លានវ៉ុន (ប្រហែល ៦៩,៣០០ ដុល្លារអាមេរិក) លើការវះកាត់ និងការព្យាបាល រួមទាំងការវះកាត់ត្របកភ្នែកពីរជាន់ ការវះកាត់ច្រមុះ និងការបង្កើនដើមទ្រូង។
នាងក៏បានបង្ហាញពី ផលប៉ះពាល់ នៅពេលសារធាតុបំពេញដើមទ្រូងផ្ទុះ រាលដាលដល់ក្លៀក និងខ្នងរបស់នាង និងទទួលការវះកាត់បង្កើន ដើមទ្រូងដើម្បីស្តាររូបរាងខូចទ្រង់ទ្រាយឡើងវិញបន្ទាប់ពីដកសារធាតុបំពេញចេញ។ នាងបាននិយាយថា ការវះកាត់ទាំងនេះ សម្រាប់ខ្លួនខ្ញុំផ្ទាល់ ដោយបន្ថែមថា បន្ទាប់ពីការវះកាត់រួច នាងទទួលបានទំនុកចិត្ត ក្នុងការស្លៀកសម្លៀកបំពាក់ដែលនាងមិនហ៊ានធ្វើពីមុន៕
