ក្រុមវេជ្ជបណ្ឌិត អំពាវនាវឲ្យ “ហាមឃាត់លើ បារីអេឡិចត្រូនិក”

សមាគមវេជ្ជសាស្ត្រអាមេរិច ហៅកាត់ថា (AMA) កំពុងអំពាវនាវឲ្យហាមឃាត់រាល់ ផលិតផលបារីអេឡិចត្រូនិក និងផលិតផលដែលមិនត្រូវបាន អនុម័តដោយរដ្ឋបាលចំណីអាហារ និងឱសថអាមេរិក ដើម្បីជួយមនុស្សឲ្យផ្តាច់ការជក់បារី។

សកម្មភាពនេះគឺឆ្លើយតបទៅនឹង ការកើនឡើងយ៉ាងខ្លាំងនៃការប្រើប្រាស់បារីអេឡិចត្រូនិករបស់យុវជន និងការផ្ទុះឡើងនៃជំងឺជាង២០០០ ករណី និងការស្លាប់ជាង ៤០ នាក់ដែលបណ្តាលមកពីជំងឺសួត ដែលទាក់ទងនឹងការប្រើបារីអេឡិចត្រូនិក។

ប្រធានសមាគមវេជ្ជសាស្ត្រអាមេរិច លោកវេជ្ជបណ្ឌិត Patrice Harris បាននិយាយថា“ ការផ្ទុះជំងឺសួតថ្មីៗនេះបានធ្វើឲ្យគ្រូពេទ្យនិងសហគមន៍សុខភាពសាធារណៈមានការភ្ញាក់ផ្អើល និងបំភ្លឺថាយើងមានភ័ស្តុតាងតិចតួចណាស់អំពីផលប៉ះពាល់ សុខភាពរយៈពេលខ្លី និងរយៈពេលវែងនៃបារីអេឡិចត្រូនិក។

លោកវេជ្ជបណ្ឌិត Patrice Harris បាននិយាយនៅក្នុងសេចក្តីប្រកាសព័ត៌មានមួយថា “វាសាមញ្ញ – យើងត្រូវតែយក ឬផ្តាច់ផលិតផលជាតិ នីកូទីនចេញពីកណ្តាប់ដៃមនុស្សវ័យក្មេង ហើយនោះជាមូលហេតុ ដែលយើងកំពុងអំពាវនាវឲ្យមានការហាមឃាត់ជាបន្ទាន់នូវរាល់បារីអេឡិចត្រូនិក និងផលិតផលទាក់ទាក់នានានផ្សេងទៀតចេញពីទីផ្សារ”។

ក្រៅពីការពារកុមារពីការប្រើជាតិនីកូទីន គាត់បាននិយាយថា វាមានសារៈសំខាន់ណាស់ ដែលមានការស្រាវជ្រាវក្នុងការព្យាបាលការញៀនជាតិនីកូទីន សម្រាប់ប្រជាជននេះ។

ការហាមឃាត់ផលិតផល បារីអេឡិចត្រូនិក គឺជាគោលការណ៍មួយក្នុងចំណោម គោលនយោបាយប្រឆាំងនឹងជាតិនីកូទីន ដែលត្រូវបានអនុម័តនៅឯកិច្ចប្រជុំសមាគមនាពេលថ្មីៗនេះនៅ San Diego ។

វេជ្ជបណ្ឌិត អ្នកស្រុក និងនិស្សិតផ្នែកវេជ្ជសាស្ត្រក៏បានអំពាវនាវផងដែរសម្រាប់ ការផ្តល់មូលនិធិនៃការស្រាវជ្រាវ ដើម្បីវាយតម្លៃសុវត្ថិភាព និងប្រសិទ្ធភាពនៃផលិតផលបារីអេឡិចត្រូនិក ក្នុងការជួយមនុស្សឲ្យឈប់ជក់បារី និងការសិក្សាអំពីការព្យាបាល ការញៀនជាតិនីកូទីនចំពោះមនុស្សវ័យក្មេង។ ក្រុមឱសថស្ថានក៏គួរតែ បញ្ឈប់ការលក់ផលិតផលថ្នាំជក់នេះផងដែរ។

គាត់បានសរុបថា“ អស់រយៈពេលជាច្រើនទសវត្សមកហើយដែលយើងបាន ដឹកនាំការប្រយុទ្ធប្រឆាំងនឹងសុខភាពសាធារណៈដើម្បីប្រឆាំងនឹងផលប៉ះពាល់ដែលបង្កគ្រោះថ្នាក់ពីផលិតផលថ្នាំជក់ ហើយយើងនឹងបន្តគាំទ្រគោលនយោបាយ និងបទប្បញ្ញត្តិដែលមានគោលបំណងរារាំងមនុស្សជំនាន់ក្រោយ មិនឲ្យពឹងផ្អែកលើជាតិនីកូទីន”៕

ប្រភព៖​ health.com.kh