ការរួមតូចនៃទ្វារមាស គឺជាភាពស្តើង ស្ងួត និងការរលាកនៃជញ្ជាំងទ្វារមាស ដោយសារតែការថយចុះនៃអ័រម៉ូនអឺសស្ត្រូសែននៅក្នុងរាងកាយ។ ការរួមតូចនៃទ្វារមាសច្រើនកើតឡើងបន្ទាប់ពីការអស់រដូវ ប៉ុន្តែវាក៏អាចកើតឡើងនៅអំឡុងពេលបំបៅដោះកូន ឬនៅពេលណាមួយដែលការផលិតអ័រម៉ូនអឺសស្ត្រូសែនធ្លាក់ចុះនៅក្នុងរាងកាយ។
ការរួមតូចនៃទ្វារមាសពីកម្រិតមធ្យមទៅធ្ងន់ធ្ងរ អ្នកអាចជួបប្រទះនូវរោគសញ្ញានៅលើទ្វារមាស និងផ្លូវទឹកនោមដូចជា ៖
– ភាពស្ងួតនៃទ្វារមាស
– ការរលាកនៃទ្វារមាស
– ការធ្លាក់សពីទ្វារមាស
– រមាស់នៅប្រដាប់ភេទ
– ក្រហាយនៅពេលនោម
– ការនោមជាបន្ទាន់
– ការឆ្លងមេរោគថែមទៀតលើផ្លូវបង្ហូរនោម
– ការនោមដោយអត់ដឹងខ្លួន
– ការហូរឈាមតិចៗបន្ទាប់ពីរួមភេទ
– មិនមានភាពសុខស្រួលនៅពេលរួមភេទ
– ការថយចុះទឹករំអិលពីទ្វារមាសនៅអំឡុងពេលមានសកម្មភាពផ្លូវភេទ
– ការឡើងខ្លី ហើយតឹងនៃរន្ធទ្វារមាស។
យោងតាមការប៉ាន់ស្មាន ជិតពាក់កណ្តាលនៃស្ត្រីអស់រដូវមានការរួមតូចនៃទ្វារមាស ហើយស្ត្រីជាច្រើនមានភាពខ្មាស់អៀនក្នុងការពិភាក្សាជាមួយគ្រូពេទ្យ។
អ្នកគួរធ្វើការណាត់ជួបជាមួយគ្រូពេទ្យ ប្រសិនបើអ្នកមានការឈឺចាប់នៅពេលរួមភេទហើយមិនអាចដោះស្រាយបានដោយការប្រើផលិតផលសំណើមទ្វារមាស ឬទឹករំអិល ឬប្រសិនបើអ្នកមានសញ្ញាមិនធម្មតានៅទ្វារមាសដូចជាការធ្លាក់ឈាម ការធ្លាក់ស ការរលាក ឬ ការឈឺចាប់នៅទ្វារមាស៕ប្រភព៖health
