អ្នកឯកទេសខាងប្រឆាំងនឹងការចាស់ ទៅតាមអាយុរបស់អាមេរិក វេជ្ជបណ្ឌិត អ៊ីរិច ប្រាវឹម៉ាន (Dr. Eric Braverman) បានអះអាងនៅក្នុងសៀវភៅរបស់លោកថា ការរួមភេទគឺជាវិធីសាស្ត្រដ៏ល្អមួយក្នុងការពង្រឹងដល់សុខភាពទូទៅ របស់មនុស្សយើង។ កាលណាមានភាពស្និទ្ធស្នាលកាន់តែខ្លាំងរវាងអ្នក និងដៃគូ វានឹងជួយថែរក្សាភាពក្មេងជាងវ័យ, ភាពសមសួនរបស់រាងកា និងពង្រឹងដល់ភាពឆ្លាតវ៉ៃរបស់អ្នកកាន់តែខ្លាំងក្លាដែរ។ ខាងក្រោមនេះគឺជាអត្ថប្រយោជន៍ នៃការរួមភេទដែលបានដកស្រង់ចេញពីសៀវភៅរបស់គាត់។
បំបាត់ការឈឺចាប់
នៅពេលអ្នករួមភេទ អ័រម៉ូនឈ្មោះថា អុកស៊ីតូស៊ីននឹងត្រូវបាន បញ្ចេញទៅក្នុងរាងកាយ សម្រាប់សម្រួលដល់ការឈឺចាប់។ អុកស៊ីតូស៊ីនត្រូវបញ្ចេញក្នុងពេល និងក្រោយពេលទទួលបានចំនុចកំពូល។ ចំពោះមនុស្សស្រី ជាមួយនឹងការធននឹងការឈឺចាប់ ចំនុចចាប់ផ្តើមធ្វើអោយឈឺក៏វានឹងកើនឡើងដែរ។ ដូចគ្នានឹងអ័រម៉ូននេះដែរ ក៏មានអ័រម៉ូនមួយប្រភេទទៀតឈ្មោះថា Endorphin ដែលត្រូវបញ្ចេញនៅក្នុងពេលរួមភេទ។ អ័រម៉ូនទាំងនេះមិនត្រឹមតែកាត់បន្ថយការឈឺចាប់នោះទេ តែវាជាអ្នកបង្កើតអោយមានអារម្មណ៍វិជ្ជមាន ចំពោះបរិដ្ឋានរស់នៅទៀតផង។
កាត់បន្ថយការប្រឈមនឹងជំងឺបេះដូង
បុរសដែលរួមភេទពីរដង ក្នុងមួយសប្តាហ៍ មិនសូវជាប្រឈមនឹងជំងឺបេះដូងច្រើន ដូចអ្នកដែលរួមភេទតែម្តងក្នុងមួយខែ ឬតិចជាងនេះឡើយ។ ការសិក្សាមួយនេះ យកចេញពីសារព័ត៌មានជំងឺបេះដូងអាមេរិក (American Journal of Cardiology) ដែលបានធ្វើទៅលើបុរសជាង មួយពាន់នាក់។ ការសិក្សាស្រដៀងគ្នានេះ មិនបានធ្វើចំពោះមនុស្សស្រីឡើយ។
គ្រប់គ្រងភាពតានតឹង
មនុស្សគ្រប់គ្នា ធ្លាប់មានឥទ្ធិពលស្ងប់ស្ងាត់ នៃការទទួលបានចំនុចកំពូល ហើយវាច្រើនតែនាំអោយងងុយដេក។ ការរួមភេទជាមួយដៃគូ ដែលស្និទ្ធស្នាលគ្នានឹងនាំអោយពួកគេ កាន់តែនៅក្បែគ្នាខ្លាំងជាមុន ព្រមទាំងកាត់បន្ថយស្ត្រេសទៀតផង។ ការគាំទ្រពីសង្គម តាមរយៈការរួមភេទគ្រាន់តែអាចជួយបន្ថយកម្រិតស្ត្រេសតែប៉ុណ្ណោះ។
មានឥទ្ធិពលយ៉ាងល្អចំពោះចិត្តសាស្ត្រ
ការរួមភេទ ធ្វើអោយអ្នកមានភាពស្និទ្ធស្នាល ជាមួយមនុស្សជាទីស្រឡាញ់របស់អ្នក។ រឿងនេះអាចដោះស្រាយបញ្ហាផ្លូវចិត្តជាច្រើនដូចជា សម្រួលដល់របួសផ្លូវចិត្ត ដែលកំពុងតែកើតមានជាដើម។ ការសប្បាយចិត្តដែលកើនឡើង តាមរយៈការរួមភេទនឹងពង្រឹងដល់អារម្មណ៍ និងការគោរពខ្លួនឯងកាន់តែខ្លាំង។ មនុស្សបែបនេះ គឺអាចមានប្រតិកម្មកាន់តែស្មោះត្រង់ ជាមួយដៃគូពួកគេ ព្រមទាំងលុបបំបាត់បញ្ហាជាច្រើនបានផង។ ការមានសុខុមាលភាពខាងផ្លូវចិត្ត គឺជានិន្នាការនាំអោយមានសុខភាពល្អបានយូរ។
ដុតកាលឡូរី
រឿងនេះត្រូវបានប៉ាន់ស្មានថា សកម្មភាពរួមភេទរយៈពេល៣០នាទី ដុតបំផ្លាញកាលឡូរីរហូតដល់ ១៥០ ទៅ ២០០កាលឡូរីឯណោះ។ ចំនួននេះគឺវាច្រើនជាងអ្វី ដែលអ្នកធ្វើក្នុងពេលរាំ ឬរត់កីឡាទៅទៀត។ ចង្វាក់បេះដូង ក្នុងពេលមានភាពស្រើបស្រាលខាងផ្លូវភេទ ក៏មានចំនួនច្រើនជាងគេដែរ នេះបើយើងប្រៀបធៀប ជាមួយអ្នកលើកទម្ងន់ ឬដើរ។ ដូច្នេះ វាគឺជារឿងច្បាស់លាស់មួយដែលការរួមភេទនឹងក្លាយទៅជារឿងល្អ សម្រាប់ដុតបំផ្លាញកាលឡូរី។
ឥទ្ធិពលល្អៗទាំងអស់ចំពោះសុខភាព ដោយសារតែការរួមភេទ ធ្វើអោយវាក្លាយទៅជាផ្នែកមួយដ៏សំខាន់បំផុត សម្រាប់ជីវិតរស់នៅរបស់អ្នក។ ប៉ុន្តែមានន័យថា អ្នកត្រូវតែមានសុខភាពល្អគ្រប់គ្រាន់ក្នុងការអាចរួមភេទបានដែរ៕ ប្រភព៖ health
