លាង និងត្រាំសក់របស់អ្នកនៅក្នុងទឹកអង្ករ ដើម្បីធ្វើឱ្យវាវែងជាងមុន និងភ្លឺរលោង បានក្លាយជាធាតុសំខាន់នៃការអនុវត្ត សម្រស់នៅអាស៊ីបូព៌ា។ ឥឡូវនេះវាកំពុងធ្វើរសើបនៅលើ TikTok ដែលអ្នកប្រើប្រាស់អះអាងថា ការត្រាំសក់ ឬលាងសក់នៅក្នុងទឹកអង្ករនាំឱ្យមាន “ការលូតលាស់សក់ខ្លាំង” ។ ប៉ុន្តែ តើដំណើរការនេះពិតឫទេ? ហើយប្រសិនបើវាមិនដំណើរការ តើនឹងមានអ្វីកើតឡើង?
តើទឹកអង្ករជាអ្វី?
អ្នកជំនាញខាងរោគស្បែក នៅទីក្រុងញូវយ៉ក បានប្រាប់ឱដឹងថា ទឹកអង្ករ គឺជាទឹកដែលនៅសល់ត្រូវបានគេលាងសម្អាត មុនពេលចម្អិនអាហារ ដែលជារឿយៗមានផ្ទុកជាតិម្សៅ ហើយជួនកាលមានវីតាមីនខ្លះ។ មធ្យោបាយលឿនបំផុត ក្នុងការធ្វើទឹកអង្ករ គឺត្រូវត្រាំអង្ករក្នុងទឹករយៈពេល ៣០ នាទី ហើយសម្រិតទឹកចូលក្នុងចានស្អាត។
តើទឹកអង្ករជួយជំរុញកំណើនសក់ដែរឬទេ?
ជាអកុសលគ្មានការសិក្សាណាមួយបង្ហាញថា ទឹកអង្ករអាចធ្វើអ្វីបាន ដើម្បីជួយពន្លឿនកំណើនសក់ឡើយ។ ទោះយ៉ាងណាក៏ដោយ វាអាចមានអ្វីមួយកើតឡើង។ វេជ្ជបណ្ឌិត Mona Gohara ជាសាស្ត្រាចារ្យរងផ្នែករោគសើរស្បែក នៅសាលាវេជ្ជសាស្ត្រយែល ប្រាប់ថាទឹកអង្ករមានផ្ទុកវីតាមីន B និង E ដែលមានទំនាក់ទំនង ជាមួយការលូតលាស់សក់និងភាពរឹងមាំ។ កង្វះវីតាមីន B12 ទាក់ទងជាពិសេសនឹងការបាត់បង់សក់។ នេះ បើយោងតាមការពិនិត្យឆ្នាំ ២០១៩ ផ្នែករោគសើស្បែកនិងការព្យាបាល។
តើធាតុពិត ទឹកអង្ករ ធ្វើអ្វីចំពោះសក់របស់អ្នក?
វេជ្ជបណ្ឌិត បាននិយាយថា “ការលាងសក់របស់អ្នកជាមួយទឹកអង្ករអាចផ្តល់នូវការកែលម្អបណ្តោះអាសន្នសម្រាប់មនុស្សមួយចំនួន” ។ ប៉ុន្តែវាមិនត្រូវបានគេបង្ហាញឱ្យឃើញនោះទេហើយវាហាក់ដូចជាតិចតួចបំផុត” ។
ការត្រាំ ឬលាងសក់របស់អ្នកក្នុងទឹកអង្ករ អាចជំរុញឱ្យសក់របស់អ្នកមានភាពរស់រវើក ដោយសារតែមាតិកាវីតាមីន ប៉ុន្តែវានឹងមិនបង្កើនល្បឿន នៃការលូតលាស់ទេ ព្រោះទឹកអង្ករទំនងជាមិនជ្រាបចូលទៅក្នុងសក់ឡើយ។
តើមានជម្រើសអ្វីទៀតសម្រាប់ការលូតលាស់សក់?
វេជ្ជបណ្ឌិត បានណែនាំការព្យាបាល ដែលត្រូវបានណែនាំ ដោយគ្រូពេទ្យជំនាញខាងស្បែក ដូចជា ថ្នាំ Spironolactone ថ្នាំ Minoxidil និងការចាក់បញ្ចូលប្លាស្មា (PRP) ដែលត្រូវបានបង្ហាញថា ធ្វើឱ្យសក់មានភាពប្រសើរឡើង៕ ប្រភព៖ health
