ការព្យាបាលជំងឺដោយប្រើខ្ទឹមបារាំងត្រូវបានគេចាត់ទុកថាជារឿងមួយមានតម្លៃយ៉ាងអស្ចារ្យ និងល្អចំពោះសុខភាពទៀត។ ខ្ទឹមបារាំងអាចព្យាបាលជំងឺផ្តាសាយ សម្រួលដល់សម្ពាធឈាម ប្រឆាំងការរលាក សម្លាប់មេរោគផ្សិត បំបាត់ស្ត្រេស និងការអស់កម្លាំងទៀត។ ខាងក្រោមនេះគឺជាជំងឺដែលអ្នកអាចប្រើខ្ទឹមបារាំងព្យាបាលបាន។
ឈឺបំពង់ក
ចូរហាន់ខ្ទឹមបារាំងជាដុំតូចៗ និងលាយខ្ញីដែលម៉ត់ និងអំបិលបន្តិច ហើយដាក់វាទាំងអស់ចូលទៅក្នុងកន្សែងក្តៅមួយ។ អ្នកអាចយកកន្សែងក្តៅនេះទៅស្អំនៅបំពង់កដើម្បីបំបាត់ការឈឺចាប់។ ចំពោះការឈឺចាប់នៅក្បាល ទ្រូង បាតដៃ ឬខ្នង សុទ្ធតែមានប្រសិទ្ធភាពដូចគ្នា។
ហើមជើង
ខ្ទឹមបារាំងគួរតែចម្អិនឱ្យឆ្អឹងពីរបីនាទី ហើយយកវាទៅកិនជាមួយទឹកបន្តិចបន្តួច រហូតដល់ក្លាយទៅជាល្បាយមួយ។ បន្ទាប់មក អ្នកអាចយកល្បាយនេះទៅស្អំនៅលើជើងដែលកំពុងតែហើមបាន ហើយវាក៏មានប្រសិទ្ធភាពបំផុតណាស់ដែរ។
ហៀរសម្បោ
ចូរយកសម្លីមួយដុំជ្រលួកនឹងទឹកខ្ទឹមបារាំងចំហុយ ហើយដាក់វាទៅក្នុងច្រមុះទៅ ព្រោះវាអាចកាត់បន្ថយការហៀរសម្បោបាន៕ប្រភព៖http://health
