ចង់បានស្បែកសស្អាត មិនចាំបាច់ទាល់តែត្រូវលាបក្រែម ឬប្រើផលិតផលជំនួយឲ្យស្បែកស នោះទេ ប៉ុន្តែអាចជំនួសមកជាការ ទទួលទានអាហារបែបធម្មជាតិវិញ ក៏អាចជួយឲ្យស្បែករបស់អ្នក សស្អាតបានដែរ។
ខាងក្រោមនេះ ជាអាហារធម្មជាតិ៥យ៉ាង អាចជួយឲ្យស្បែកស និងភ្លឺរលោង៖
ទឹកក្រូចឆ្មារ
ពិសាទឹកក្រូចឆ្មារ អាចជួយកាត់បន្ថយភាពចាស់ អាចម៍រុយ និងស្នាមជ្រួញបានយ៉ាងមានប្រសិទ្ធភាព។ លើសពីនេះទៅទៀត ជាតិវីតាមីន C និងអាស៊ីត ដែលមាននៅក្នុងក្រូចឆ្មារ អាចជួយឲ្យអ្នកទទួលបានស្បែក សស្រស់ថ្លា។
តែ
តាមការស្រាវជ្រាវរបស់អាមេរិក បានបង្ហាញឲ្យដឹងថា ការផឹកទឹកតែ អាចជួយកាត់បន្ថយជាតិ peroxide ជាសារធាតុដែលធ្វើឲ្យស្បែករលាក និងគគ្រើម។
ផ្លែប៉េងប៉ោះ
ញ៉ាំប៉េងប៉ោះ មិនត្រឹមតែជួយការពារស្បែក របស់អ្នកពីពន្លឺព្រះអាទិត្យ កាត់បន្ថយបញ្ហាមុន និងទ្បើងខ្លាញ់នៅលើផ្ទៃមុខប៉ុណ្ណោះទេ ប៉ុន្តែថែមទាំងជួយព្យាបាលស្បែក ពីការរលាកទៀតផង។
ផ្លែប៉ោម
សម្បូរដោយជាតិកូឡាជែន បរិភោគវាទៅ អាចជួយពន្យាភាពចាស់ រឹតបន្តឹងស្បែក និងធ្វើឲ្យស្បែកភ្លឺរលោង។
ចេក
ត្រូវបានគេចាត់ទុកជាផ្លែឈើ ដែលសម្បូរដោយជាតិវីតាមីន A, B និង E ដែលសារធាតុទាំងនេះ មានប្រសិទ្ធភាពក្នុងការ ជួយប្រឆាំងភាពចាស់៕
