អូស្ត្រាលី៖ អ្នកវិទ្យាសាស្ត្រ បញ្ជាក់ពីការផុតពូជត្រីសមុទ្រ លើកដំបូងនៃសម័យទំនើប ជាមួយនឹងការបាត់ខ្លួនប្រភេទ ត្រីសមុទ្រដ៏កម្រមួយប្រភេទ គឺត្រីមានដៃនៅមហាសមុទ្រ របស់ប្រទេសអូស្ត្រាលី នេះបើយោងតាមការចេញផ្សាយ ពីគេហទំព័រឌៀលីម៉ែល។
ត្រីសមុទ្រមានដៃ ត្រូវបានលុបចោលជាផ្លូវការ ពីដែនទឹកភាគអាគ្នេយ៍ នៃប្រទេសអូស្ត្រាលី ដោយសារតែការថយចុះជម្រក ការបំពុលបរិស្ថាន និងការនេសាទដែលបំផ្លាញពួកវា។ សត្វរស់នៅខាងក្រោម គឺជាត្រីមួយក្នុងចំណោម១៤ ប្រភេទនៃត្រីប្រើព្រុយរៀងត្រីកោណ ត្រូវបានផ្លាស់ប្តូរជាដៃ ដើម្បីដើរនៅបាតសមុទ្រ។
ត្រីសមុទ្រ “Smooth handfish” ត្រូវបានគេរកឃើញដំបូង នៅដើមទសវត្សឆ្នាំ ១៨០០ ក្នុងកំឡុងពេល នៃការរុករករបស់វិទ្យាសាស្ត្រ ប៉ុន្តែវត្ថុតែមួយគត់ នៅសល់នៃប្រភេទសត្វនេះ គឺជាសំណាកដែលត្រូវបានរក្សាទុក ក្នុងអំឡុងពេលមុជទឹកនោះ។
លោក Jessica Meeuwig សាស្រ្តាចារ្យ នៅសាកលវិទ្យាល័យវេស្ទើនអូស្ត្រាលី និងជានាយក មជ្ឈមណ្ឌលសមុទ្រ នាពេលអនាគត របស់សាកលវិទ្យាល័យ បានប្រាប់ ថា អ្នកខ្លះអះអាងថា មហាសមុទ្រគឺធំធេងពេក សម្រាប់សត្វព្រៃសមុទ្រ មិនអាចផុតពូជបានទេ ។
ប៉ុន្តែឧស្សាហូបនីយកម្មមហាសមុទ្រ ពីការនេសាទ ការរុករករ៉ែប្រេង ឧស្ម័នការដឹកជញ្ជូន និងការអភិវឌ្ឍហេដ្ឋារចនាសម្ព័ន្ធ កំពុងតែឈានដល់កម្រិត នៃឧស្សាហូបនីយកម្មនៅលើដី ហើយវានឹងប្រឈម នឹងការផុតពូជ សម្រាប់សត្វសមុទ្រសមុទ្រ៕ ដោយ៖លី ភីលីព
