ព័ត៌មានអន្តរជាតិ

កូរ៉េខាងជើង រិះគន់ទីប្រឹក្សាសន្ដិសុខជាតិកូរ៉េខាងត្បូង ជុំវិញសុន្ទរកថា លើទំនាក់ទំនងអន្ដរកូរ៉េ

សេអ៊ូល៖ កូរ៉េខាងជើង បានរិះគន់យ៉ាងខ្លាំងដល់ទីប្រឹក្សាសន្តិសុខជាតិ របស់កូរ៉េខាងត្បូង ជុំវិញការថ្លែងសុន្ទរកថា របស់លោកក្នុងអំឡុងពេលដំណើរទស្សនកិច្ចទៅកាន់សហរដ្ឋអាមេរិកថា ទំនាក់ទំនងអន្តរកូរ៉េ គួរតែត្រូវបានដោះស្រាយតាមរយៈការពិភាក្សាជាមួយសហរដ្ឋអាមេរិក និងប្រទេសដទៃទៀតនៅក្នុងតំបន់។

ទីភ្នាក់ងារព័ត៌មានផ្លូវការកូរ៉េកណ្តាល (KCNA) បានចុះផ្សាយថាការកត់សម្គាល់របស់លោក Suh Hoon ប្រធានការិយាល័យសន្តិសុខជាតិប្រធានាធិបតី កូរ៉េខាងត្បូង តំណាងឱ្យ“ ការបដិសេធ និងក្បត់” នៃកិច្ចព្រមព្រៀងអន្តរកូរ៉េ។

ភ្នាក់ព័ត៌មានរដ្ឋ KCNA បានចុះផ្សាយឲ្យដឹងទៀតថា“ ទីប្រឹក្សាសន្តិសុខរបស់កូរ៉េខាងត្បូង បានធ្វើទស្សនកិច្ចនៅសហរដ្ឋអាមេរិក ដោយលួចលាក់ហើយបានធ្វើឱ្យពួកគេវង្វេងស្មារតីជាមួយពួកគេ”៕ ដោយ ឈូក បូរ៉ា

Most Popular

To Top