ព័ត៌មានអន្តរជាតិ

Rosalind Franklin របស់អង់គ្លេស តេស្តិ៍ប្រព័ន្ធលោតឆត្រ យោង ដោយជោគជ័យ និងត្រៀម ធ្វើតេស្តិ៍ទម្លាក់កម្ពស់ នៅដើមខែមិថុនា

អង់គ្លេស ៖ យាន Rosalind Frankl ដែលត្រូវបានផលិត ដោយចក្រភពអង់គ្លេស ជាជំហានមួយកាន់ តែខិតទៅជិត ភពព្រះអង្គារ បន្ទាប់ពីការសាកល្បង ដោយជោគជ័យ នៃការចុះចតឆ័ត្រយោង របស់ខ្លួន នឹងជួយឲ្យវាចុះចតនៅលើភពក្រហមនៅខែមិថុនា ឆ្នាំ ២០២៣ នេះបើយោងតាមការចេញ ផ្សាយពីគេហទំព័រឌៀលីម៉ែល ។

យាននេះ គ្រោងនឹងចាប់ផ្តើម នៅឆ្នាំ ២០២០ ប៉ុន្តែបានពន្យារពេល ដោយសារ មេរោគ Covid-19 ធ្វើឲ្យមានការលំបាក ក្នុងការបញ្ចប់ការសាកល្បង ឆ័ត្រយោង គឺជាផ្នែកកណ្តាល នៃបេសកកម្មទីភ្នាក់ងារ អវកាសអឺរ៉ុប (ESA) ExoMars ដើម្បីស្វែងរកសញ្ញា នៃជីវិត នៅលើភពផែនដី ។ ភាគច្រើន នៃការពន្យារពេល នៃការបាញ់បង្ហោះវិស្វករ ESA បានធ្វើការ ដើម្បីធ្វើឲ្យប្រសើរឡើង នូវប្រព័ន្ធឆ័ត្រយោង និងថងនឹងធានាថា វាចុះចតដោយសុវត្ថិភាព នៅលើភពព្រះអង្គារ ។

ការត្រួតពិនិត្យលើឧបករណ៍ ត្រូវបានធ្វើឡើងដោយអង្គការណាសា នៅរដ្ឋកាលីហ្វ័រញ៉ា ដើម្បី កំណត់ថា តើវាសមនឹងការប្រើប្រាស់ នៅស្ថានភាពលំបាក នៃភពផែនដីជិតខាងរបស់យើង ដែរឬទេ ។ ពួកគេបានសាកល្បង ថងថ្មី និងប្រព័ន្ធបត់សម្រាប់ឆ័ត្រយោង នឹងជួយឲ្យយានធ្វើដំណើរ ចុះចតដោយសុវត្ថិភាព នៅលើផ្ទៃនៃភពក្រហម ដោយការធ្វើតេស្តិ៍ទាំង ២ដំណើរការបានល្អ ។

រហូតមកដល់ពេលនេះ មានតែសហភាពសូវៀត សហរដ្ឋអាមេរិក និងចិនប៉ុណ្ណោះបានធ្វើការចុះចត នៅលើភពព្រះអង្គារ ដោយជោគជ័យ ហើយមានតែសហរដ្ឋអាមេរិក និងចិនប៉ុណ្ណោះបានចុះចតយានយន្ត ដែលអាចធ្វើដំណើរទៅមុខបាន ។

បច្ចុប្បន្ននេះមានកំណាត់ចំនួន ៣ កំពុងប្រតិបត្តិការនៅភពព្រះអង្គារ ចំណែកយន្ត Perseveranceរបស់អង្គការណាសាបានចុះចតនៅខែកុម្ភៈ ឆ្នាំ ២០២១ ហើយCuriosity របស់ណាសា ដែលចុះចតនៅឆ្នាំ ២០១២ ត្រូវបានចូលរួមដោយយានចិន Zhurong របស់យាន Tianwen-1 បានចុះចតនៅថ្ងៃទី ១៤ ខែឧសភាឆ្នាំ ២០២១ ៕ដោយ៖លី ភីលីព

Most Popular

To Top