អង់គ្លេស៖ ការសិក្សាស្រាវជ្រាវមួយ បានព្រមានថា ការស្តាប់បទចម្រៀង ជាមួយការបញ្ចេញក្បាច់ ឈិន ឡុង នៅក្នុងរថយន្តអាចបណ្តាលឲ្យ អ្នកមានបញ្ហាផ្លូវចិត្ត លើសទម្ងន់ ហើយប្រឈមនឹងកំហុស ឬដូចអ្នកបិទមាត់ តែបើកឡានទៅមុន តាមកាយវិការ នេះបើយោងតាមការចេញផ្សាយ ពីគេហទំព័រ ឌៀលីម៉ែល។
ក្រុមអ្នកស្រាវជ្រាវ មកពីសាកលវិទ្យាល័យ Brunel បានដាក់អ្នកស្ម័គ្រចិត្ត មនុស្សពេញវ័យចំនួន ៣៤នាក់ នៅក្នុងកម្មវិធីក្លែង ធ្វើបើកបរ ដើម្បីចម្លងផ្លូវ នៅតាមទីក្រុង ហើយឲ្យពួកគេដើរតាមផ្លូវ ដែលបានកំណត់។ អំឡុងពេល នៃការធ្វើត្រាប់តាម ៨ នាទីម្តង ៗ អ្នកបើកបរត្រូវប្រឈមមុខ នឹងព្រឹត្តិការណ៍ចំនួន៥ ត្រូវដោះស្រាយ រួមមានអ្នកថ្មើរជើង ឆ្លងកាត់ផ្លូវភ្លើង ស្តុបក្រហម និងឡានដឹកទំនិញដើម្បីជែង។
ក្រុមនេះបានត្រួតពិនិត្យ អ្នកបើកបរម្នាក់ៗ ក្រោមលក្ខខណ្ឌសំឡេងមួយ ក្នុងចំណោមលក្ខខណ្ឌចំនួន៦ រួមមានសំឡេងរំខាន ចរាចរណ៍ ក្នុងទីក្រុងនិយាយពាក្យ និងតន្ត្រីទ្សោយ ឬខ្លាំងដោយមាន ឬគ្មានអត្ថបទចម្រៀង។ ពួកគេបានរកឃើញថា ប្រហែលជាដោយសារ តែពួកគេដឹងថា ពួកគេត្រូវបានគេសង្កេត ឃើញល្បឿន និងការសម្តែងរបស់អ្នកបើកបរ ភាគច្រើនមិនត្រូវបាន ប៉ះពាល់ដោយជម្រើសតន្ត្រី ទោះយ៉ាងណា អ្នកស្រាវជ្រាវបានរកឃើញថា ការស្តាប់តន្ត្រីដែលមានទំនុកច្រៀង នាំឲ្យមានការរំញោច អារម្មណ៍ខ្ពស់ជាងបំណែកទន់ និងគ្មានបទចម្រៀង។ ការសិក្សាកន្លងមកបានកត់សម្គាល់ថាតន្ត្រីដែលមានសំឡេងខ្លាំងអាចបង្កើនកម្រិតនៃការធ្វើឲ្យសកម្ម ការឈ្លានពាន និងជំរុញឲ្យមានទំនុកចិត្ត លើសលប់ ជាពិសេសក្នុងចំណោម អ្នកបើកបរវ័យក្មេង។
អ្នកស្រាវជ្រាវបានសន្និដ្ឋានថា អ្នកបើកបរគួរតែពិចារណា ពីការប្រើប្រាស់ភ្លេងតិច ឬគ្មានភ្លេងដើម្បីបង្កើន ប្រសិទ្ធភាពស្ថានភាព អារម្មណ៍របស់ពួកគេអំឡុងពេល បើកបរក្នុងទីក្រុង។ អ្នកស្រាវជ្រាវ និងចិត្តវិទូ Costas Karageorghis មកពីសាកលវិទ្យាល័យ Brunel បានប្រាប់កាសែត The Times ថា សំខាន់បំផុតដែលត្រូវពិចារណានៅពេលស្តាប់ តន្ត្រីពេលកំពុងបើកបដើម្បីធានាថា អ្នកមិនមានបញ្ហាផ្លូវចិត្ត៕
ដោយ៖លី ភីលីព
