សិង្ហបុរី បានប្រកាសថាប្រទេសខ្លួនបានរកឃើញអ្នកវិជ្ជមានវីរុសកូវីដបំប្លែងថ្មី ប្រភេទអូមីក្រុង ចំនួន ២ករណីបន្ថែមទៀតហើយ។ នេះបើតាមការចុះផ្សាយរបស់សារព័ត៌មាន Channel News Asia នៅថ្ងៃទី ១០ ខែធ្នូ ឆ្នាំ២០២១។
បើតាមការបញ្ជាក់ពីរដ្ឋមន្រ្តីក្រសួងសុខាភិបាលប្រទេសនេះ បានឱ្យដឹងថា សិង្ហបុរី រកឃើញអ្នកឆ្លងវីរុសកូវីដ អូមីក្រុង ចំនួន២ករណី។ ករណីទី១ ជាស្រ្តីជនជាតិសិង្ហបុរី អាយុ ២៤ឆ្នាំ ជាអ្នកបម្រើការងារនៅព្រលានយន្តហោះអន្តរជាតិ Changi។ ស្រ្តីរូបនោះ ត្រូវបានគេសង្ស័យថា បានប៉ះពាល់ជាមួយអ្នកដំណើរ មកពីប្រទេសទ្វីបអាហ្វ្រិក ដែលកំពុងផ្ទុះឆ្លងកូវីដ អូមីក្រុង។ ចំពោះ ករណីទី២ ជាស្រ្តីអាយុ ៤៦ឆ្នាំ ធ្វើដំណើរពីប្រទេស អាល្លឺម៉ង់ ចូលមកសិង្ហបុរី។
អ្នកទាំង២នោះ ដែលបានតេស្តរកឃើញវិជ្ជមានកូវីដអូមីក្រុង គឺបានចាក់វ៉ាក់សាំងពេញលេញ ហើយថែមទាំងបានចាក់ដូសជំរុញថែមទៀតផង ប៉ុន្តែនៅតែមិនអាចទប់ស្កាត់វីរុសកូវីដ អូមីក្រុង ដ៏កាចសាហាវនេះបានទេ៕ប្រភព៖http://sabay
