ព័ត៌មានអន្តរជាតិ

កូរ៉េ​ខាង​ជើង​ប្រកាស​បិទ​ខ្ទប់​ ក្រោយ​ប្រកាស​រក​ឃើញ​ករណី​ឆ្លង​កូវីដ-១៩ ជា​លើក​ដំបូង​ 

លោក​ Kim Jong-un មេដឹកនាំ​កំពូល​របស់​កូរ៉េ​ខាង​ជើង​ បាន​ធ្វើ​ការ​ប្រកាស​ក្នុង​ថ្ងៃ​នេះ​ដោយ​បាន​ដាក់​បម្រាម​បិទ​ខ្ទប់​ (Lockdown) ទូទាំង​ប្រទេស​ ក្រោយ​ប្រកាស​​រក​ឃើញ​ករណី​ឆ្លង​ជំងឺ​កូវីដ-១៩​ លើក​ដំបូង​។ នេះ​បើ​​តាម​ទី​ភ្នាក់​ងារ​សារព័ត៌មាន​កណ្ដាល​កូរ៉េ​ (The Korean Central News Agency ឬ​ KCNA)។

បើ​តាម​ព័ត៌មាន​ក្នុង​ស្រុក​របស់​កូរ៉េ​ជើង​ ករណី​ឆ្លង​កូវីដ-១៩​ ក្នុង​កូរ៉េ​ខាង​ជើង​នេះ​ជា​ប្រទេស​អូមីក្រុង​ ដោយ​មក​ទល់​នឹង​ពេល​នេះ​ មិន​មាន​ទិន្នន័យ​ថា​ចំនួន​ឆ្លង​កូវីដ-១៩ ប៉ុន្មាន​ឲ្យ​ប្រាកដ​នៅ​ឡើយ​ទេ​ក្នុង​ប្រទេស​នេះ​។

​ករណី​ដំបូង​នៃ​ការ​ឆ្លង​ជំងឺ​មួយ​នេះ​ គឺ​រក​នៅ​ទី​ក្រុង​ព្យុងយ៉ាង​ កាល​ពី​បួន​ថ្ងៃ​មុន​ ដោយ​អ្នក​ប៉ះ​ពាល់​ផ្ទាល់​ ក៏​ដូច​ជា​កន្លែង​ដែល​កើត​ករណី​ដំបូង​នេះ​ គឺ​ត្រូវ​បាន​បិទ​ខ្ទប់​ ធ្វើ​ចត្តាឡីស័ក​ និង​ធ្វើ​ការ​យក​សំណាក​ មុន​ថ្ងៃ​ដែល​បាន​ប្រកាស​ដំណឹង​នេះ​។

បើ​តាម​ KCNA មេដឹកនាំ​កំពូល​របស់​កូរ៉េ​ខាង​ជើង​​រូប​នេះ​ បាន​ចាត់​ទុក​នេះ​ការ​រីក​រាល​ដាល​ជំងឺ​រាតត្បាត​កូវីដ-១៩ ក្នុង​ប្រទេស​ជា​លើក​ដំបូង​នេះ​ ជា​ភាព​អាសន្ន​ធ្ងន់ធ្ងរ​របស់​ជាតិ​ ដោយ​បាន​ចេញ​បម្រាម​តឹង​តែង​បំផុត​ ជា​ពិសេស​គឺ​ការ​បិទ​ខ្ទប់​ និង​កាត់​បន្ថយ​ការ​ជួប​ជុំ​មនុស្ស​ ​ដើម្បី​កាត់​ផ្ដាច់​ការ​ឆ្លង​ជំងឺ​នេះ​។

គួរ​បញ្ជាក់​ផង​ដែរ​ថា​ នេះ​ជា​លើក​ទី​មួយ​ហើយ​ កូរ៉េ​ខាង​ជើង​ បាន​ប្រកាស​ជា​ផ្លូវការ​ថា​ខ្លួន​បាន​រក​ឃើញ​ករណី​ឆ្លង​ជំងឺ​មួយ​នេះ​ ដោយ​ចាប់​តាំង​ពី​ពិភព​លោក ​មាន​ការ​ឆ្លង​ជំងឺ​នេះ​នៅ​ដើម​ឆ្នាំ​២០២០​កន្លង​មក​ ប្រទេស​នេះ​បាន​ធ្វើ​ការ​បិទ​ព្រំដែន​ខ្លួន ​មិន​ឲ្យ​មាន​ភ្ញៀវ​ទេសចរណ៍​ និង​ការ​នាំ​ទំនិញ​ចេញ​ចូល​នោះ​ឡើយ​៕ Source: Sabay

Most Popular

To Top