ប្រធានចារកម្មបរទេស របស់អង់គ្លេសបានថ្លែងថា រុស្ស៊ីនឹងតស៊ូ ដើម្បីរក្សាក្រុមយោធារបស់ខ្លួន ហើយអ៊ុយក្រែន អាចនឹងវាយបកមកវិញ។ នេះបើតាមការចុះផ្សាយ របស់សារព័ត៍មាន BBC នៅថ្ងៃទី ២២ ខែកក្កដា ឆ្នាំ២០២២។
លោក Richard Moore មេ MI6 ដែលជាក្រុមចារកម្មកំពូល របស់អង់គ្លេស បានបញ្ជាក់ថា ប្រទេសរុស្ស៊ីបានទទួលបរាជ័យ នៅក្នុងគោលដៅ ឈ្លានពានដំបូងរបស់ខ្លួន។ គោលដៅសំខាន់ ដែលក្រុងមូស្គូ ដាក់ចេញរូមមាន ការដកតំណែងប្រធានាធិបតីអ៊ុយក្រែន ការលើកទ័ពវាយដណ្តើមយកទីក្រុង គៀវ និងការធ្វើឱ្យប្រទេសលោកខាងលិច ខ្វែងគំនិតគ្នាជាដើម សុទ្ធសឹងតែទទួលរងបរាជ័យទាំងអស់។ មេចារកម្មអង់គ្លេសរូបនេះ និយាយនៅក្នុងវេទិកាសន្តិសុខ Aspen ក្នុងការបង្ហាញខ្លួន ជាសាធារណៈដ៏កម្រមួយ។
លោកបានហៅការឈ្លានពាននេះថា ជាទង្វើដ៏សាហាវបំផុត នៃការឈ្លានពាននៅតំបន់អឺរ៉ុប ចាប់តាំងពីសង្គ្រាមលោកលើកទី២។ លោក Moore បានប្រាប់សន្និសីទនៅទីក្រុង Colorado ថា “ការវាយតម្លៃរបស់យើងគឺថា រុស្សីនឹងថមថយកម្លាំង នៅក្នុងរយៈពេលប៉ុន្មានសប្តាហ៍ខាងមុខនេះ ហើយវានឹងផ្តល់ឱកាស ដល់អ៊ុយក្រែនក្នុងការវាយបកវិញ”៕ Source: Sabay
