បរទេស៖អ្នកនាំពាក្យរបស់វិមានក្រមឡាំងលោក Dmitry Peskov កាលពីថ្ងៃអាទិត្យម្សិលមិញបានធ្វើការលើកឡើងថាទាំងរដ្ឋាភិបាលទីក្រុងមូស្គូនិងរដ្ឋាភិបាលទីក្រុងប៉េកាំងគឺ មិនដែលមានបំណងក្នុងការស្វែងរកឱកាសដើម្បីក្លាយខ្លួន ទៅជាអ្នកដឹកនាំ ពិភពលោកដូចទៅនឹងបណ្ តាប្រទេសមួយចំនួននោះឡើយ។
លោកបន្តថា៖ក្នុងការអនុវត្តដែលធ្វើឡើងដើម្បីពង្រឹងទំនាក់ទំនងទ្វេភាគីនោះប៉ុន្តែរុស្សីនិងចិនមិនមែនធ្វើបែបនេះក្នុងការទៅគ្រប់គ្រងពិភពលោកឡើយ។ពួកយើងបានដឹងហើយស្គាល់ហើយថាកន្លងមកមានប្រទេសមួយចំនួនពិតជាបានព្យាយាម ដើម្បីធ្វើខ្លួន ទៅជាអ្នកដឹកនាំពិភពលោកមែនប៉ុន្តែមិនមែនរុស្សីនិងចិនឡើយ។
ក្នុងនោះទាំងចិននិងរុស្សីក៏បានចែករំលែកនូវទស្សនៈដូចគ្នាផងដែរទៅលើសកម្មភាពបង្កហេតុដែលបង្កឡើងដោយសហរដ្ឋអាមេរិកហើយទាំងចិននិងរុស្សីបានពិចារណាថារដ្ឋាភិបាលវ៉ាស៊ិនតោនគឺជាភាគីដែលចូលចិត្តបង្កបញ្ហាបង្កអស្ថេរភាពនិងគឺជារឿងដែល
មិនអាចទទួលយកបានឡើយ។
គួរឲ្យដឹងដែរថាសេចក្តីថ្លែងការណ៍នេះបានធ្វើឡើងភ្លាមបន្ទាប់ពីជំនួបរវាងមេដឹកនាំចិនលោក Xi Jinping និងមេដឹកនាំរុស្សីលោក Vladimir Putin នៅក្នុងប្រទេសអ៊ូបេគីស្ថានក្នុងកិច្ចប្រជុំប្រចាំឆ្នាំមួយរបស់អង្គការ Shanghai Cooperation
Organization ដែលបានធ្វើឡើងកាលពីសប្តាហ៍កន្លងមកនេះ៕ ប្រែសម្រួល៖ស៊ុនលី
