ព្រុចសែល៖ អគ្គលេខាធិការ អង្គការណាតូ លោក Jens Stoltenberg បានអំពាវនាវឱ្យមានការប្រុងប្រយ័ត្ន បន្ទាប់ពីមានរបាយការណ៍ ប្រព័ន្ធផ្សព្វផ្សាយថា ក្រុមគាំទ្រអ៊ុយក្រែន អាចនឹងទទួលខុសត្រូវ ចំពោះការបំផ្ទុះបំពង់បង្ហូរឧស្ម័ន Nord Stream ដែលផ្គត់ផ្គង់ថាមពលរុស្ស៊ីទៅកាន់អឺរ៉ុប ។
ខណៈដែលមិនបានចង្អុលបង្ហាញ ពីការជាប់ពាក់ព័ន្ធរបស់អ៊ុយក្រែនជាផ្លូវការនោះ របាយការណ៍របស់កាសែត New York Times ដែលបានចេញផ្សាយ កាលពីថ្ងៃអង្គារបានឲ្យដឹងថា ការស៊ើបការណ៍សម្ងាត់ ដែលត្រូវបានត្រួតពិនិត្យ ដោយមន្ត្រីសហរដ្ឋអាមេរិក បានរកឃើញថា ក្រុមគាំទ្រទីក្រុងកៀវអាច នៅពីក្រោយការវាយប្រហារនៅក្នុងខែកញ្ញា ដែលបានក្លាយជាចំណុច មួយរវាងលោកខាងលិច និងរុស្ស៊ី បន្ទាប់ពីឆ្នាំមុននៃការលុកលុយ របស់រុស្ស៊ីនៅអ៊ុយក្រែន ។
លោក Stoltenberg បានឲ្យដឹងលកំពុងបន្ត ហើយខ្ញុំគិតថា វាត្រឹមត្រូវក្នុងការរង់ចាំរហូតដល់ការបញ្ចប់ទាំងនោះត្រូវបានបញ្ចប់ មុនពេលយើងនិយាយអ្វីបន្ថែមទៀតអំពីអ្នក ដែលនៅពីក្រោយវា” ។
ការផ្ទុះបំពង់បង្ហូរប្រេង ភ្ជាប់រុស្ស៊ី និងអាល្លឺម៉ង់ បានកើតឡើងនៅថ្ងៃទី២៦ ខែកញ្ញា នៅក្នុងតំបន់សេដ្ឋកិច្ចផ្តាច់មុខរបស់ស៊ុយអែត និងដាណឺម៉ាក។ ប្រទេសទាំងពីរបានសន្និដ្ឋានថា ការបំផ្ទុះនេះមានចេតនា ប៉ុន្តែមិនបានបញ្ជាក់ថានរណាអាចនឹងទទួលខុសត្រូវនោះទេ។
រុស្ស៊ី ដែលពីមុនបានស្តីបន្ទោសលោកខាងលិច បានចាប់យកព័ត៌មានកាលពីថ្ងៃពុធ ដើម្បីទាមទារឱ្យមានការស៊ើបអង្កេតប្រកបដោយតម្លាភាព ដែលខ្លួនចង់ចូលរួមផងដែរ។
អ្នកនាំពាក្យវិមានក្រឹមឡាំង លោក Dmitry Peskov បានលើកឡើងថា របាយការណ៍ប្រព័ន្ធផ្សព្វផ្សាយ គឺជាការសម្របសម្រួលមួយ ដើម្បីបង្វែរការយកចិត្តទុកដាក់ និងបានចោទសួរថា តើមន្ត្រីអាមេរិក អាចសន្មត់អ្វីអំពីការវាយប្រហារ ដោយមិនចាំបាច់មានការស៊ើបអង្កេត៕ប្រែសម្រួល ឈូក បូរ៉ា
