ស្វីស៖ រដ្ឋាភិបាលសហព័ន្ធស្វីស បានឲ្យដឹងកាលពីថ្ងៃអាទិត្យថា ក្រុមហ៊ុន Credit Suisse នឹងត្រូវបានកាន់កាប់ដោយធនាគារយក្សស្វីស UBS នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
រដ្ឋាភិបាលបានឲ្យដឹងថា កាលពីថ្ងៃសុក្រលំហូរចេញ សាច់ប្រាក់ងាយស្រួល និងការប្រែប្រួលទីផ្សារបានបង្ហាញថា វាមិនអាចស្តារទំនុកចិត្ត ដែលចាំបាច់ទៀតទេហើយថាដំណោះស្រាយឆាប់រហ័សនិងស្ថេរភាព គឺចាំបាច់ជាដាច់ខាត។
រដ្ឋាភិបាលបានឲ្យដឹងថា “នៅក្នុងស្ថានភាពដ៏លំបាកនេះ ការកាន់កាប់ Credit Suisse ដោយ UBS គឺជាដំណោះស្រាយដ៏ល្អបំផុត សម្រាប់ការស្ដារឡើងវិញ នូវទំនុកចិត្ត ដែលបាននិងកំពុងខ្វះខាតនៅក្នុងទីផ្សារហិរញ្ញវត្ថុនាពេលថ្មីៗនេះ និងសម្រាប់ការគ្រប់គ្រងហានិភ័យដ៏ល្អបំផុត ចំពោះប្រទេស និងប្រជាពលរដ្ឋរបស់យើង” ។
ក្រោមលក្ខខណ្ឌនៃប្រតិបត្តិការភាគហ៊ុនទាំងអស់ ម្ចាស់ភាគហ៊ុនរបស់ Credit Suisse នឹងទទួលបាន ១ ភាគហ៊ុន UBS សម្រាប់រាល់ភាគហ៊ុន ២២,៤៨ភាគហ៊ុនរបស់ Credit Suisse ដែលកាន់កាប់ ស្មើនឹង CHF 0.76/share សម្រាប់ការពិចារណាសរុបចំនួន ៣ពាន់លានហ្វ្រង់ស្វីស។
ការរួមបញ្ចូលគ្នានេះត្រូវបានគេរំពឹងថានឹងបង្កើតអាជីវកម្មដែលមានជាង ៥ពាន់ពាន់លានសហរដ្ឋអាមេរិក។ សេចក្តីថ្លែងការណ៍បានឲ្យដឹងថា ដុល្លារនៅក្នុងទ្រព្យសម្បត្តិវិនិយោគសរុប និងឱកាសតម្លៃប្រកបដោយនិរន្តរភាព។
ធនាគារកណ្តាលរបស់ប្រទេសស្វីស (SNB) នឹងផ្តល់ជំនួយសាច់ប្រាក់ងាយស្រួលច្រើន ដើម្បីគាំទ្រដល់ការកាន់កាប់របស់ UBS នៃក្រុមហ៊ុន Credit Suisse នេះបើយោងតាមធនាគារកណ្តាលស្វីសនៅក្នុងសេចក្តីថ្លែងការណ៍មួយ ដែលបានចេញផ្សាយកាលពីថ្ងៃអាទិត្យ។
សេចក្តីថ្លែងការណ៍បានឲ្យដឹង ទៀតថា ការកាន់កាប់នេះអាចធ្វើទៅបានដោយមានការគាំទ្រពីរដ្ឋាភិបាលសហព័ន្ធស្វីស អាជ្ញាធរត្រួតពិនិត្យទីផ្សារ ហិរញ្ញវត្ថុស្វីស FINMA និង SNB ៕
ប្រែសម្រួល ឈូក បូរ៉ា
