គូឡាឡាំពួរ ៖ យោងតាមការចេញផ្សាយ ពីគេហទំព័រឌឺវីប៊ីស បានប្រាប់ឲ្យដឹងថា នាយកដ្ឋានអភិវឌ្ឍន៍ឥស្លាម (Jakim) បានដាក់ពាក្យបណ្តឹងជាផ្លូវការ ទៅកាន់គណៈកម្មការទំនាក់ទំនង និង ពហុព័ត៌មានម៉ាឡេស៊ី (MCMC) ទាក់ទងនឹងគណនី Telegram ដែលពិភាក្សាអំពីប្រធាន បទអាសអាភាស ត្រូវបានគេជឿថា ដំណើរការដោយស្ត្រី ។
រដ្ឋមន្ត្រីក្រសួងកិច្ចការ សាសនា Datuk Mohd Na’im Mokhtar បានសេចក្តីថ្លែងការណ៍មួយ កាលពីម្សិលមិញបាននិយាយថា បញ្ហានេះកំពុងត្រូវបាន ស៊ើបអង្កេតដោយ MCMC ក្រោមផ្នែកទី ២២៣ នៃច្បាប់ទំនាក់ទំនង និងពហុព័ត៌មានឆ្នាំ ១៩៨៨ (ច្បាប់ ៥៨៨) ។ Jakim បានទាក់ទងជាមួយនាយកដ្ឋាន កិច្ចការសាសនា Terengganu (JHEAT) លើការហៅស្ត្រីដែលពាក់ព័ន្ធមកប្រជុំ នៅពេលនាងរស់នៅក្នុងរដ្ឋ Terengganu ។
លោកបាននិយាយថា Jakim ត្រូវបានគេជូនដំណឹងថា របាយការណ៍របស់ប៉ូលីស ត្រូវបានធ្វើឡើងដោយ JHEAT ដើម្បីឲ្យការស៊ើបអង្កេតត្រូវបានអនុវត្ត ។ ប្រព័ន្ធផ្សព្វផ្សាយ ពីមុន បានរាយការណ៍អំពីស្ត្រីម្នាក់ ត្រូវបានចោទប្រកាន់ពីបទផ្សព្វផ្សាយ ជំនឿ ដែលខុសពីសាសនាអ៊ីស្លាម (សេចក្តីសម្រេច របស់សាសនាអ៊ីស្លាម) លើទំនាក់ទំនងអាពាហ៍ពិពាហ៍តាមរយៈក្រុម Telegram ។
ក្នុងចំណោមគំនិតទុច្ចរិត ដែលផ្សព្វផ្សាយដោយស្ត្រីនោះ មានធាតុផ្សំនៃការរំលោភអាពាហ៍ពិពាហ៍ និង ការរំលោភបំពានក្នុងគ្រួសារ ៕
