ឡុងដ៌ ៖ ប្រព័ន្ធផ្សព្វផ្សាយ របស់ចក្រភពអង់គ្លេស បានរាយការណ៍ ដោយលើកឡើងពីច្បាប់ សេរីភាពព័ត៌មានថា ក្រសួងការពារជាតិអង់គ្លេស បានទុកចោលរថក្រោះ Challenger 2 ចំនួន ៤៣គ្រឿងនៅចន្លោះឆ្នាំ២០១០ និង២០១៤ ដែលជាផ្នែកនៃការកាត់បន្ថយការ ចំណាយលើវិស័យការពារជាតិ និងរាប់សិបគ្រឿងផ្សេងទៀត ជំនួសឱ្យការផ្គត់ផ្គង់ដល់ អ៊ុយក្រែន ។
រថក្រោះទាំងនោះ ត្រូវបានប្រកាសថា ការជួសជុលរបស់វា គឺលើពីការចំណាយសេដ្ឋកិច្ច ខណៈពេលដែលការទុកចោលបានធ្វើឱ្យអ្នកបង់ពន្ធអង់គ្លេស ៤,៣លានផោន (៥,៥លានដុល្លារ) ហើយរថក្រោះ ៧៥ ផ្សេងទៀតត្រូវបានបញ្ជូនទៅស្តុកទុករយៈពេលវែង។
លោក Tobias Ellwood ប្រធានគណៈកម្មាធិការការពារជាតិនៃសភាបានឲ្យដឹងថា រថក្រោះទាំងនេះ គួរតែត្រូវបានផ្ទេរទៅអ៊ុយក្រែន។ លោកបានបន្ថែមថា ចំនួនរថក្រោះ ដែលមានប្រតិបត្តិការពេញលេញក្នុងទុនបម្រុងរបស់ប្រទេស មានតែកងវរសេនាធំរថក្រោះមួយប៉ុណ្ណោះ ដែលមានប្រមាណជា ៤៤ គ្រឿង។
កាលពីខែមករា ចក្រភពអង់គ្លេស បានប្រកាសថា រថក្រោះ Challenger 2 ចំនួន ១៤ គ្រឿងនឹងត្រូវបញ្ជូនទៅអ៊ុយក្រែន។ កាលពីដើមខែកក្កដា រដ្ឋមន្ត្រីការពារជាតិអង់គ្លេស លោក Ben Wallace បានលើកឡើងថា ទីក្រុងឡុងដ៍ បានចំណាយប្រាក់ចំនួន ៣ពាន់លានដុល្លារ លើជំនួយយោធា សម្រាប់អ៊ុយក្រែន នៅចន្លោះខែមេសា ឆ្នាំ២០២២ និងខែមីនា ឆ្នាំ២០២៣៕
ប្រែសម្រួល ឈូក បូរ៉ា
