យូអិន៖ អគ្គលេខាធិការអង្គការសហប្រជាជាតិលោក Antonio Guterres បានជំរុញសហគមន៍អន្តរជាតិឱ្យខិតខំប្រឹងប្រែងតាមដែលអាចធ្វើទៅបាន ដើម្បីបញ្ចប់ការឈឺចាប់របស់ប្រជាជននៅតំបន់ហ្គាហ្សា។
អគ្គលេខាធិការអង្គការសហប្រជាជាតិបានប្រាប់កិច្ចប្រជុំបន្ទាន់របស់ក្រុមប្រឹក្សាសន្តិសុខ ស្តីពីស្ថានភាពនៅមជ្ឈិមបូព៌ា រួមទាំងសំណួរប៉ាឡេស្ទីនថា “ប្រជាជននៅតំបន់ហ្គាហ្សា កំពុងសម្លឹងមើលទៅលើទីជ្រៅបំផុត។ សហគមន៍អន្តរជាតិត្រូវតែធ្វើអ្វីគ្រប់យ៉ាង ដែលអាចធ្វើទៅបាន ដើម្បីបញ្ចប់ការដោះស្រាយរបស់ពួកគេ” ។
មន្ត្រីជាន់ខ្ពស់អង្គការសហប្រជាជាតិបានឲ្យដឹងថា មានហានិភ័យខ្ពស់នៃការដួលរលំនៃប្រព័ន្ធជំនួយមនុស្សធម៌នៅក្នុងតំបន់ហ្គាហ្សា ដែលនឹងមានផលវិបាកយ៉ាងធ្ងន់ធ្ងរ។
លោក Guterres បានព្រមានថា “មិនមានការការពារប្រកបដោយប្រសិទ្ធភាព ចំពោះជនស៊ីវិលនោះទេ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកបានបន្ដថា ជនជាតិប៉ាឡេស្ទីនជាង ១៧,០០០នាក់ត្រូវបានគេរាយការណ៍ថា ត្រូវបានសម្លាប់ចាប់តាំងពីការចាប់ផ្តើមប្រតិបត្តិការយោធារបស់អ៊ីស្រាអែល ក្នុងនោះមានស្ត្រីជាង ៤,០០០ នាក់ និងកុមារ ៧,០០០នាក់។ មនុស្សរាប់ម៉ឺននាក់ត្រូវបានគេរាយការណ៍ថា បានរងរបួស ហើយមនុស្សជាច្រើនបានបាត់ខ្លួន ដោយសន្មតថានៅក្រោមគំនរបាក់បែក។
លោកបានបន្ថែមថា “ការវាយប្រហារតាមផ្លូវអាកាស ដីគោក និងសមុទ្រគឺខ្លាំង បន្ត និងរីករាលដាល។ រហូតមកដល់ពេលនេះ គេរាយការណ៍ថាបានវាយប្រហារទៅលើកន្លែងអប់រំចំនួន ៣៣៩កន្លែង មន្ទីរពេទ្យ ២៦កន្លែងថែទាំសុខភាពចំនួន ៥៦កន្លែង វិហារអ៊ីស្លាមចំនួន ៨៨កន្លែង និងព្រះវិហារចំនួន៣”៕ ប្រែសម្រួល ឈូក បូរ៉ា
